Кристал Палас го совлада Фулам на гости 0-2 и избега од опасната зона. На овој натпревар Данецот од Фулам Јоаким Андерсен си постигна автогол а после беше дел од една комична епизода со гостинскиот фудбалер Езе.

Манчестер Јунајтед по зборовите на Рио Фердинанд до крајот на сезоната ќе води битка за опстанок во Премиер лига. До тоа ниво дојде најтрофејниот англиски клуб, да се плаши од испаѓање во втора лига. Во саботата губеа 2-0 на полувреме од Евертон, а до крајот едвај извлекоа 2-2 и бод. Рубен Аморим на полувреме беше во длабока мисла.

Лидерот во хрватското првенство, Ријека, предводена од младиот тренер Радомир Ѓаловиќ игра одличен фудбал. Синоќа со 4-0 го растурија Динамо Загреб и му го нанесоа еден од најтешките порази во историјата. Аријан Адеми играше до 74' минута кога го извадија од игра, а Стефан Ристовски остана на клупата за резерви и не влезе во игра. После мечот навивачката група Бед Блу Бојс ги повикала играчите и ги навредувала поради мизерното издание. Критики и навреди добил и Адеми. Ријека сега е прва со 45 бода, Хајдук е втор со 44 а Динамо има 38 бода и како да се простува од титулата.

Арсенал полека како да губи здив во трката за шампионска титула со Ливерпул и сега заостануваат 8 бода од црвените кои го чека дерби со Сити во недела. „Топџиите“ синоќа изгубија дома 0-1 во малото градско дерби со Вест Хем. Мечот го одбележа и еден луд спринт на голманот на Арсенал Давид Раја кој додека хаотично бркаа израмнување во последните секунди од мечот, истрча еден спринт да освои топка и го издрибла противничкиот фудбалер на сред терен.

Милан игра уште една очајна сезона а по тешкото испаѓање од Лига на шампиони од Феенорд, росонерите сега претрпеа нов пораз, овојпат од Торино 2-1 на гости. Уште во 5' минута голманот Мајк Мењон и стоперот Тјао беа творци на еден од најглупавите автоголови сезонава во европските лиги. Торино со тој автогол поведе, Пулишиќ подоцна промаши пенал. Рејндерс израмни на 1-1 во 74-та минута а 20-годишниот Литванец Гвидас Гинтелис постигна победнички гол само една минута подоцна.

Сигурно го паметите Саво од настапите во Парма и Шпанија, ама ќе се вратиме поназад. Во 1995-та година Астон Вила му плати на Партизан за српскиот напаѓач 3,5 милиони фунти, клупски рекорд во тоа време. Одговори со 33 гола во три сезони и потоа направи трансфер во Сарагоса. Еден од нив е посебен. Се работи за финалето од Лига Купот против Лидс Јунајтед, конечни 3:0. Бомба на 22 годишниот Саво.

Ама па од друга страна денар немаат дадено за карти.

Ако е за утеха и Босанците немаат секирации околу иднината на кошарката. Видиш ти тоа како лесно и течно им одат нападите. Како Лејкерски се од најдобрите денови.

Македонската кошаркарска репрезентација останува да се надева на следното Европско првенство 2029. Шансите за пласман на ЕП 2025 се завршени после поразот од Естонија на гости (65:84). 21 поен за Ти-Џеј Шортс и 20 на Ненад Димитријевиќ, сепак не беа доволни. Недостасуваше помош и од другите играчи.

DAZN не го краси само Дилета Леота. Прашајте го Самуеле Ричи од Торино. Дербито Јуве - Интер од поинаква перспектива.

Се работи за моментот кога пропуштил меч топка при водство од 5:2 против Алекс де Минор на АТП турнирот во Доха. На крајот Андреј Рубљов го мина четвртфиналето со 2:1 во сетови.

Не е баш пријатно периодов за спортување во САД на отворено. Видовме по Меси, а сега и по Жиру, кој игра за Лос Анџелес.

Борац Бањалука е најголемо изненадување од регионов во еврокуповите сезонава. Тимот за кој резервен голман со број 1 на грбот е Дамјан Шишковски а во средниот ред стандарден е Бобан Николов, елиминираше многу познати клубови и стигна до осминафинале на Лига Конференции во својот прв историски, дебитантски настап во Европа. По триумфот 1-0 во Бањалука, синоќа одиграа 0-0 против Олимпија во Љубљана. На стадионот имаше нереди откако домашните навивачи фрлале пиротехника по гостите кои брзо возвратиле.

Маркус Турам, постариот, има 27 години и игра за Интер. Од неодамна за Јувентус потпиша брат му Кефрен Турам кој има 23 години. Се најдоа на теренот за време на големото дерби на Италија кое Јувентус го доби 1-0. Маркус влезе од клупа за резерви и грубо го подудри брат му како поздрав.

Реал Мадрид направи шампионите на Пеп Гвардиола да личат на херои од минатото, што е и така во пракса. Неопходно им е рестартирање, на кое веќе и почнаа да работат од јануари.

Веќе неколку сезони по ред загревањата на најдобриот шутер во историјата на НБА според сите параметри, се права забава за навивачите. Ова вреди карта да купиш само за да го гледаш Стеф Кари како шутира и не промашува. Сега последно шутирал од 16 различни позиции а веќе после осмиот погоден шут салата почнала да се крева, да урла за на крај да доживее еуфорија.

По Лига на шампиони, стандардно петочки се извлекоа и паровите во Лига Европа. Можно четвртфинале: Мурињо vs Рома.

Најдобриот фудбалер на сите времиња според многу страни, Кристијано Роналдо во кариерата настапуваше за великаните Спортинг Лисабон, Манчестер Јунајтед, Реал Мадрид, Јувентус. Најдобар стрелец е во историјата на Лига на шампиони, во историјата на европски првенства и најдобар стрелец во клупската историја на Реал Мадрид. Се ближи до бројката од 1.000 гола во кариера што би бил апсолутно недостижен рекорд за сите останати. 

Во НБА веќе постои термин „Сомбор дабл“ за учинок кој подразбира дека во една статистичка категорија недостасува еден поен, еден скок или една асистенција за трипл-дабл. Наречена е по Никола Јокиќ кој синоќа во победата на Денвер Нагетс по којзнае кој пат за само една асистенција или еден скок не направи нов трипл-дабл.

По дома добри?

Не дека е ова Раи или некоја друга сериозна тв, но сепак имаат Италијанците многу вакви ликови на локални емисии направени за забава. Го знаете оној кој вришти на секој гол на Милан. Еве му конкуренција од Наполи.

Во Централна и Северна Америка се игра КОНКАКАФ Купот на шампиони меѓу екипи од неколку земји. Интер Мајами, екипата за која настапува Лионел Меси, играше против Спортинг Канзас Сити во средата вечер на страшни минусни температури кои достигнувале и до -17. 

Секое коло иста приказна. И веќе не се знае кој повеќе глуми и во која лига, но просто глупаво е повеќе да се толерираат ваквите шарлатани. На ѕидот на срамот овој пат е голманот на Андерлехт, Колин Кузманс на дуелот против Фенербахче.