Не се секирајте, по Меси и Роналдо нема да престане фудбалот бидејќи за некоја година ќе стават нога на светската сцена некои нови клинци и нивни потенцијални наследници. Еден од нив е бисерот на Фламенго кој на 12 години дава голови со сув лист од кај сака и не за џабе е таргет на Реал и Барса. Малиот е лудило, головите од паркинг му се рутина.

Работеше 18 години за Нероаѕурите и беше познат како инспиратор и ресурс за италијанскиот фудбал. Немаше утка тоа што ќе го види неговото око, а тоа се гледа и по имињата кои ги откри. Казираги ги меркаше децата и на најутепаните терени.

Хаосот во грчкиот фудбал продолжува откако раководните луѓе на лигата решија да му одземат три бода на солунскиот клуб кој брка титула после цели 29 години. Во меѓувреме во Пиреа нереди на навивачите на Олимпијакос кој мислат дека властите го помагаат ПАОК.

Сте слушнале ли за идејата: Ќе бидеш суспендиран онолку време колку што ќе биде отсутен играчот кој си го повредил? Епа ете ја на дело во Бразил, сосем исправно.

Владата на најмногубројната земја на светот издала налог со четири принципи за високо-морално однесување во јавност. Ќе се црташ по раце и нозе ама ќе носиш долги ракави и завои.

Во термините за пријателски, Белгија очекувано ја суреди Саудиска Арабија со 4:0, а напаѓачот на Наполи твитна неочекувано за својот колега и напаѓач на Манчестер Јунајтед.

Екипите на Еуро Табак, Фабрика Карпош и Уника славеа победи во третиот ден од 17. коло во Бизнис лигата на Македонија.

Пред 25 години во Бреша дебитираше најважната 10-ка во историјата на Рома, за многумина најдобар италијански фудбалер на сите времиња. Газета дело Спорт до детали го опишува тој историски ден за Серија А од едно друго време кога уште не постоеше Гугл.

Минатиот петок пишувавме за дедото на еден англиски фудбалер кои пред четири години кога внук му славел 18. роденден, ставил многу пари дека малиот Луис ќе заигра за „Гордиот Албион“. И ене го сега, чека исплата.

Ливерпул ги има можеби најдобрите акции за навивачката база ширум Британија. Последна им беше кога на деца им ветија дека тие што најдобро ќе коментираат фудбалски меч, ќе го запознаат Египќанецот.

Се вика Роберт Витакер. Левата рака ја изгубил на 10 години кога при еден обид да се качи на дрво, паднал кај блискиот далековод со високонапонска струја.

Касата на Лацио е олеснета на хакерски, ама и наивен начин за трансфер стар 4 години. Кај фрлија пари во бунар, па уште и без играчот ќе останат за две месеци.

Лоренцо Инсиње во моментов важи за најдобар италијански фудбалер и предводник на новата генерација млади играчи кои мора да ги оправат „Аѕурите“. Ама како за инает, дека е висок 162 сантиметри, во последно време организаторите се му даваат најголемо дете пред мечот па изгледа како тој да е пратња.

Бето е Бразилец. Играше во шпанската футсал лига а денес игра за белорускиот состав Сталица. Последните негови потези беа мајсторски.

За Србинот ова беше една од четирите асистенции на мечот кој Клиперски го добија против Милвоки, а за коментаторот една од најдобрите за оваа година. Милош Теодосиќ поради повреда не влезе во второто полувреме, а во првото уфрли и 13 поени.

Седат челните луѓе на ФФМ на важна средба со врвот на ФИФА. Сред напнатиот состанок, на Илчо му стигнува нотификација на мобилниот. Погледнува за што се работи, им се извинува на присутните, станува и оди во WC, да види што ново направило „Смешното мече“.

Во шумата пријателски синоќа, Грузија со 2-0 ја победи Естонија. Вториот гол кој во 35’ минута го даде Валери Казаишвили беше елеганција во движење.

Репрезентацијата на Шпанија ја прегази Аргентина со 6-1, а кога петтиот и шестиот гол паднаа во рок од неколку секунди, најдобриот играч на светот кој од ложата ја гледаше пријателската реши да стане и да замине пред време.

Домаќините на Мундијалот кој стартува за два и пол месеци загубија 1:3 од Франција. Двоен стрелец на мечот кој се играше во Санкт Петербург беше ѕвездата на ПСЖ, Килијан Мбапе кој прво многу лесно го измами својот чувар, а потоа ја шутна на местото за кое се вели дека два се брои голот.

Аргентина синоќа доби толку голема лекција и шлаканица од Црвената фурија, што на ред да дојде да асистира и голманот. Шах мат акцијата беше во изведба на Де Хеа и Јаго Аспас од Селта. 

Во историјата на Реал Мадрид играл само еден стопер од Франција - Луи Хон. Тој настапувал за „кралевите“ во ’50-те години и бил еден од првите европски легионери. Денес негов наследник е Рафаел Варан.

Ослабената Аргентина која не ги повика Дибала и Икарди, Агуеро е повреден, а Меси неизвесен ќе има тешка задача вечерва (21:30) да се бори со тридецениската луда традиција на непобедливата Шпанија во својата престолнина. Што доминација ќе беше ова.

Иако изгледа како да беше вчера, сепак од седмицата на Германија која му ја додели на Бразил поминаа неполни 4 години. Вечерва играат пријателска, а во пресрет на средбата куса изјава даде најдобриот меѓу најдобрите, кој им го плесна во фаца на тие што не излегуваат без фризура на натпревар.

Фудбалерите на Македонија до 19 години го играат квалификацискиот меч за Европското првенство У19 против Англија. Иако ги изгубивме сите шанси за пласман на турнирот во Финска летово, Јани Атанасов од Академија Пандев покажа зошто јавноста го смета за наш најталентиран фудбалер.