На завршната церемонија за победникот во шпанскиот Копа дел Реј по традиција пехарот го креваат капитенот и заменик капитенот, но овојпат Лео Меси го отстапи местото за големиот Андрес.

Во 74’ минута од осминафиналето на Купот на Казахстан меѓу Мактарал и Астана еден од домашните играчи во моментот кога бил заменет решил да се измоча во едно дрвце зад клупата за резерви. И почнува шоу.

Извозел 60 километри за да оди на гостување, ама не на Олд Трафорд, туку во деветта англиска лига за да си го бодри тимот. Сам, на трибина голема колку клупа за резерви. И тоа го бодри, во буквална смисла. Во Англија страста за фудбал е иста од Премиер лига до најнизок можен ранг. 

Се вика Симоне Инѕаги, тренер е на Лацио, има врвна сезона и се бори за Лига на шампиони. Ама наоѓа време и да му го направи ќеифот на син му пред куќа. Тоа е тој маалски шмек, коли проаѓаат, а ти не се откажуваш, а плус те знаат сите.

Страста за собирање сликички кај нас најмногу е изразена за време на Европските и Светските првенства, ама кога ќе ја видите фотографијата со 9 врвни имиња на која налетавме ќе посакате во истиов момент да пролистате ваков албум.

Еден од најдобрите тренери на светот знаеше да изненади пријатно на неекоја од многуте прес-конференции и со изјава да ги засмее новинарите. Не како Мурињо, туку пристојно како што само тој умее.

Денес се случи нешто епохално: Арсен Венгер објави дека заминува од клубот по крајот на сезоната. Кои беа неговите најзначајни моменти со „Топџиите“?

Во италијанскиот фудбалски шампионат допрва станува интересно. Едно е тоа што Кротоне ја направи битката за титулата неизвесна, а друго е борбата за ЛШ и ЛЕ каде во игра се 8 екипи за 4 места.

Преку официјално соопштение на клупската страна, легендарниот француски тренер објави дека по завршувањето на сезонава си оди од својот дом кој го водеше 22 години!

Тренерот на Тотенхем Маурисио Почетино на почетокот на играчката кариера ја делел собата со легендарниот Диего.

Тренинг базата на Рома синоќа чадеше на големо. Ручек части Аргентинецот Диего Пероти. Што? Скара на аргентински начин.

ПСЖ го совлада Каен на гости со 1:3 во полуфиналето од Купот. Мбапе им збрца два комада, ама никој не зборува за головите, туку за чудово од измама. А има само 19 години.

На легендата на Јуве душа му извадија за острата изјава упатена до Мајкл Оливер по мечот со Реал Мадрид во четвртфиналето од ЛШ. Италијанците се цареви за хумор, па се најде една будалетинка која направи пародија од критиката на Џиџи.

За подобро трчање, подобри перформанси како и леснотија при секој чекор за време на маратонот Sport Vision од 19 -ти април до 5-ти мај овозможи -20% попуст на running патики и опрема за сите љубители на трчањето.

Романскиот фудбал изгледа на една бескрајна приказна со чудни, смешни и невообичаени настани. Тука можеби нема ништо смешно, ама сигурно е невообичаено. Кај сте виделе до сега ваква асистенција? Инаку актери се фудбалерите на Крајова во полуфинале од Куп натпревар.

Челси синоќа славеше 1:2 на гостуањето против Барнли, а потегот на мечот го направи Педро кој крие нешто бразилско во себе. Штета што акцијава не заврши со гол, инаку сигурно одеше на некоја најавна шпица.

Разврската во турскиот фудбал никогаш не била понеизвесна. На неколку кола пред крајот четири екипи конкурираат за титулата: Галатасарај е прв со 60 бода, Бешикташ втор со 59 колку што има и третиот Башакшехир. Фенербахче е четврт со 57. Ништо помалку интересно не е ниту во Купот. Во полуфиналето реванш вечерва играа ама не доиграа Фенербахче и Бешикташ.

Баварците три пати мерат - еднаш сечат. Кај нив ретко може да се случи изборот за нов тренер да не помине низ неколку скенери. Еднаш им се случило на Клинсман да му дадат повеќе слобода и работите избегале од контрола. Сега му се доверија на нивен човек.

Фудбалерите на Шкендија го добија големото дерби на Филип Втори и се на чекор до титула број 2 во својата историја (Вардар има 10). Сенка на мечот фрли не тоа што се случуваше на терен, туку во соблекувална. Прв кој ги осуди вулгарностите на тетовци беше голманот на Вардар, Гачевски, а по него се огласи и поранешниот вардарец и репрезентативен на Македонија, Бобан Николов.

Гледачите на средбата меѓу Баер Леверкузен и Ајнтрахт Франкфурт кога го видоа голот на домаќините за 4:1 не знаеа дали тоа е стварност или гледаат забавена снимка од претходниот гол за 3:1. Кевин Воланд е стрелецот, а Карим Белараби асистентот на два гола. Колку и да се договараат и да го вежбаат ова нема да им успее два пати. Гледате случајност каква што не се повторува.

Ако Серија А треба да го одбере мечот на сезоната, веќе го има. Ваква драма нема ниту во шпанско, ниту во англиско. Се состои од 7 гола, 2 пресврти, 3 црвени, по еден даден и одземен пенал и ВАР кога ќе му текне на судијата кој на насловна на Кориере беше опишан со зборот „ужас“.

Понекогаш редарите и обезбедувањето се толку неспретни што секоја будала која ќе скрои добар план може да ги изненади и да се појави на теренот кој го гледаат милијарди луѓе.

Во Бугарија по завршување на регуларниот дел од сезоната се игра плејоф па така на навивачите им се пружа прилика да гледаат неколку меѓусебни дуели на вечните ривали Левски и ЦСКА а на полицијата ѝ се отвора многу работа.

За циркус пред камерите во Премиер лигата обично е задолжен Јирген Клоп, ама и темпераментниот Антонио Конте покажа талент за правење смејурии со помош на жена му.