„Ја предупредуваме Турција да се повлече од Сирија“, одважно му кажа швeдската министерка за дипломатија Ан Линд на својот турски колега. „Не џанам дека ова стварно ми го кажа??“, веројатно помисли Турчинот пред да го испука својот одговор, на крај галантно порачувајќи ѝ „Ништо лично“. 

„Роберт Де Ниро и Ал Пачино нека се живи и здрави, ама јас сум растен на Отпишаните“, вели сараевскиот глумец Енис Бешлагиќ и раскажува случка кога дошол на снимање на Ивкова слава па во гардеробата се соблекол по гаќи.

Не се фејкови, туку автентични, оригинални Гибсон гитари. И не ги уништива некој радикално религиозен режим затоа што така му се сонило, туку се уништени на барање на Гибсон. На кратко станува збор за моделот Фајрбрд Икс, една од најлошите гитари излезени од компанијата, толку неквалитетна што Гибсон немаше намера ни да ја распродава, туку само сака веќе да ја нема на светот.

Многу јака финта и навистина може да ви упали некого да убедите која е правата адреса за вашите финансиски молитви. Со оглед на тоа што уште се носат маски по продавици, ништо нема да биде сомнително. Само ви треба уште онаква бесконтактна кредитна картичка. Да се проба!

Како што се тркалаше Светското во Катар, а Ивана Кнол по трибините на Мундијалот, така на српските медиуми се појави теоријата дека облините на Кнол се заговор на странските тајни служби против српската младина и нивната посветеност кон патриотизмот. Тек па да видат на Инстаграм што се случува.

Кај нас ќе се качиш во лифт и единствено со што можеш да се занимаваш е да читаш за колку особи е и што да правиш ако заглави. Во еден лифт во Масачусетс е малку понаку, тој вози право до куќата на Дедо мраз. За 5-10 години ќе го има ова и кај нас, па на 20 портали ќе се читаат ПР текстови за новото „чудо од лифт“ во Ново Лисиче. 

Дипломатски упатства на српскиот кнез Милош Обреновиќ, дадени на нивниот преговарач Петар Ичко (роден во Катраница, Егејска Македонија) пред да замине на преговори во Цариград (од каде се вратил со спогодбата наречена Ичков Мир). Накратко: не го нуди она што го немаме. 

Холандската држава и нејзините органи за ред и мир прилично дрско им покажуваше на земјоделците кој е главен, сосе пукање, инфилтрација на провокатори и други демократски методи. Едно мало видео потсетување како би изгледала божиќната трпеза да не се луѓето од нивите и фармите.

Прогресивната #МеТоо култура успеа од радиостаници да ја исфрли песната 'Baby It's Cold Outside' (види овде). Содржела токсична мажественост. Во истото културно миље, најпопуларна станува песна од Карди Би. WAT, скратено од „Wet Ass Pussy.“ Генијално уловувајќи ја перверзијата на оваа епоха, дечко паралелно чита стихови од „лошата“ и „добрата“ песна.

49 годишен јапонски политичар бил на „толку и толку години“ од матурска. Таму испил неколку пива. Дотука, сè е исто како да е наш политичар. Оттука почнуваат разликите: 1) се враќал со јавен превоз, 2) додека се возел се дигнал неколкупати на тоа шипката, 3) свика прес конференција за да се извини за своето „хулиганство“.

Се работи за едно целосно небитно гратче чие постоење со векови по ништо не е спектакуларно се до март 2022, кога работите тргнуваат на полошо, откако тоа се наоѓа на линијата на фронтот во војната меѓу Украина и Русија. Снимката е од Т-80БВ тенк на руските сили, а пустелијата што ја гледате е Марјинка.

Дечкото се вика Кандид Товекс и професионално се занимава со скијање, ама не таму кај што има знаменца, патека и „оп оп оп оп“, туку само кај што има дивина: снег, карпи и дрвја.

Почнале да инсталираат дефибрилатори во предградија на Мелбурн, за секој граѓанин да има брз пристап до ваков апарат, во ситуација кога земјата се соочува со зголемен број неочекувани инфаркти. Планот е секој таму да има дефибрилатор оддалечен најмногу 400 метра од дома. Клучни се првите шест минути од инфарктот.

Луѓе со дипломи, бели мантили и лаборатории седнале да изучуваат пуштање вода во ВЦ шолја. Заклучиле дека при пуштање вода од шолјата излегува еден облак микро-фекалии, кои освен гнасниот дел, со себе носат и бактерии, патогени и вируси, што пак е послебно одвратно во јавни тоалети. За да не мора да ви објаснуваат што точно се случува, ви снимиле видео.

Еден од најдобрите кавери кои можете да ги најдете на интернет, засекогаш. Малите ја рокаат Пеинкилер, од Џудас Прист. Поголема кине гитара (почекајте да го чуете солото) ама помалата е со оној најпрекрасен и искрен детски пркос, што, јас полоша да не сум? А не да не е полоша туку е махер.

Кога ќе заврши разорувањето на Украина од руски тенкови, како и да заврши, тоа ќе продолжи од  европските банки, и нивното разорување е уште помалку веројатно дека ќе биде запрено.

Да успееа да го вратат дома Бут во замена за Бајден, Русите пак ќе ја претставеа размената како успех. Тоа што го разменија за кошаркарката на ВНБА, која најголема популарност стекна затоа што беше уапсена во Москва, за Русите е епска победа. Плус им остави простор да им шутираат пенали на Американците (на праезен гол) за тоа што избраа дома да ја повлечат Грајнер, наместо екс-маринецот Вилан.

Наставник (и тоа заменски) се одважи да се конфронтира со тогаш моќната Медлин Олбрајт и да ја праша зошто Америка се држи до меѓународното право само кога тоа ѝ одговара. Гадот (бог да го прости, почина годинава на 84 години) политички инстинктивно фати да спинува дека наставникот повеќе се секира за правата на Садам Хусеин. 

Германски климатски активисти решија да изведат протестен перформанс за време на виолински концерт на Бетовен во Хамбург па си ги залепија рацете за сталакот на диригентот. Ги прееба мала цака: сталакот не беше фиксиран па ги напудија од сала сосе него.  

Човекот кој ја водеше Кина низ вратоломниот економски скок од 1989 до 2002, беше погребан пред највисокото раководство на државата со вонредно високи почести. Цемин почина на 30 ноември на 96-годишна возраст од леукемија и откажување на повеќе органи.

Зошто Кинезите се толку одлучни да прават тест по секоја цена? Затоа што одењето во карантин е далеку полошо отколку дремењето на улица и снег и дожд и сонце за да те тестираат.

Кога се работи за некои наши оратори и јазични реформатори, на нивните преведувачи на јазикот на глувонемите најпаметно им е да стојат на страна и да се крстат. Ова е пример од странство, од некоја парламентарна говорница на која жената која зборува паѓа во несвест. Преведувачката - спремна и за тоа.  

„Биди најдобрата верзија од себе“ е само една од оние верглани бљак фрази на фејкерскиот свет на „само-помош“ што е индустрија од десетина милијарди долари. Книги, курсеви, методи на постојано „напредување“, секоја година сè поскапо им продаваат надеж и илузии на несигурните во себе. Фино скоцкано искуство на еден млад дечко кој се навлекол на тој свет.

Вчера во Катар се одигра натпреварот меѓу националните тимови на Англија и Сенегал. Знаете кој клекна на едно колено пред почетокот на натпреварот како поддршка за Black lives matter движењето? Англија. Знаете кој не клекна на едно колено пред почетокот на натпреварот како поддршка за Black lives matter движењето? Сенегал.