Jako тролање на најбрзо растечкото движење на прогресивниот Запад (сè ќе се направи само да не му текне на човек на битните теми). Дечкото шалта идентитети пошто му се може. Еден од омилените му е да биде Саша Петров, 45 годишна руска проститутка, кога може да го користи женското веце на работа, за што наидува на разбирање од колешките. „Саша сере ко дива свиња,“ вели една од нив. 

Најгледан филм денес не е новиот Спајдермен, новиот Fast and Furious или Малата Сирена. Најгледан е оној што го најавивме уште лани во мај, па пуштавме исечоци, a пред некој ден можевте да го видите бесплатно на Твитер, со препорака од Илон Маск. Е, тој филм, за само пет дена го имаат видено преку 170 милиони луѓе. Партали! Авторот, Мет Волш, го има Пирс Морган. 

Постојат различни стилови на водење емисија, во зависност од жанрот и посакуваните ефкти. Може тоа да биде лежерно (Роган), а може да биде и напнато (Ефтов), да се испровоцира гостинот, па ако стане и напушти емисија - жив ќар. Генерално емисиите се сведуваат на мачење од гостинот да извлечеш одговор кој тој би го избегнал. Но, не сите се мачат до толку.   

Илон Маск: „Ова е голем проблем. Активно ќе лобирам да се криминализира правењето тешки, неповратни промени кај малолетни деца. Срам за оние кои го заговараат ова! Тоа е за краен презир“. Џордан Питерсон: „Затвор. Долготраен. Без помилување, без милост. А истото можеби и за попустливите „терапевти“ како и за касапите што го овозможуваат“.

Цела Сахара може да се покрие со соларни панели (и онака кмиши, пустата) и така да се добијат 2,5 милиони терават-часови, доволно струја за 96 планети Земји. Ама после Сахара ќе почне да се лади, ќе фатат огромни океански циклони и пошто нема вода за секаде, дождовните шуми на Амазон ќе се претворат во пустина. Никако човек не е...

„Колку повеќе ја „обојувате“ ЕУ во црно, толку повеќе ќе расте популарноста на личности како Путин“, нè опомена холандскиот амбасадор. Кабаетлии биле политичарите, дел од медиумите и невладиниот сектор „кои ја обвинуваат ЕУ за долгото чекање на земјава пред вратите на Унијата“ (а нема врска, нели?). Ај важи, светилник за европските вредности отсега ќе ни биде твојот премиер.

Ако мислите дека во Европа ве угнетуваат заради бојата на кожата, дојдете во Нигерија, и тука исто ќе ви се случи, ама барем може да бидете сигурни дека тоа нема да има врска со бојата на вашата кожа.

На прво гледање ликов закача / малтретира недолжно девојче што се качило во метро. На второ гледање, ликот е професионалец што не е прв пат во Барселона и само што спаси една жена да не биде ограбена.

Деновиве повторно циркулира извештај од аутопсијата на Џорџ Флојд, занимлив зашто неговата смрт после грубото полициско апсење ја покрена онаа 'револуција' Black Lives Matter, а него го направија поголем од Мартин Лутер Кинг. Флојд немал никакви повреди ама затоа во крвта му е најден куп супстанци кои ни во Грчец не можеш да ги најдеш.

Дилан Малвени, транс-инфлуенсерот кој финансиски го изгоре Бад Лајт со бојкотот кој им се случи откако маркетиншки го ангажираа како „фаца“, им кажал на родителите дека во последно време е романтично заинтерисан за - жени. Мораше ли бе дете цел круг да свртиш за да дојдеш до истото ? Чекајте, и затруднување е на дневен ред... Сè за внимание.

Aко тинејџерка има алтернатива дали да игра ГТА, или да гледа парламент, реално шоу или пак да слуша треп, во секунда гласам да украде фиктивен автомобил, да прегази фиктивни пешаци и да плати фиктивна проститутка.

Јадачки, спуштања, клизачи, прцања, сарказам на ангро... 10 прајслес минути од гостувањето на шармантниот Чарлс Гродин (почина во 2021) кај неприкосновениот Џони Карсон (починат oд 2005). Ман-га-ши! Не се ни обидувајте да споредувате со некои од муабетите на овдешните ТВ магазини. Дури тогаш ќе ве фати туга.

„Треба да одам....“ биле едни од последните зборови на Милан Младеновиќ од ЕКВ кој светот го напушти во далечната 1994 година. Еден пријател (Дуле Дејановиќ, бубњар) го памти вака: „Беше тоа едно тажно и болно рането дете, но, незаменлива и неповторлива личност.“ Во своето последно интервју Милан го има видено светот околу себе онаков каков што е. И за жал, онаков каков што и ќе остане.

Пазете ја оваа збирштина од млади прогресивци, собрани на конвенција на која се ословуваат со „другари“ . Нема на што не закенкаа. На еден му смета што луѓето шушкале меѓу себе а тоа му ја зголемува анксиозноста. Друг моли да не се мафта со знаменца, аутист бил. Трет бара да нема аплаузи за да се редуцира бучавата (наместо тоа, да мафтаат ко Констракта). Ах, златни работни акции... 

На новинарот од BBC не му е проблем што САД не го признаваат Меѓународниот суд во Хаг. Проблем му е ако Јужна Африка не го почитува. „Знаете ли дека ако Путин дојде кај вас во август, мора да го уапсите?“ Од Фикиле Мбалула, генсек на Афиканскиот национален конгрес, добива одговор: „Што е до мене, не во август, уште утре е добредојден да дојде“. А потоа му го трие Ирак од нос. Кoга веќе сака „Hard Talk.“

Како и во Скопје, и во Њујорк или Лондон зјаат празни многу скапи, тазе купени станови. Разликите во причините се во нијанси; во крајна линија се работи за легализирање некакви црни  пари. Таму купуваш прескап стан од десетици милиони долари, го заложуваш за да добиеш кредит и после тие легални пари ги ставаш во акции. Чиста работа.

- Присуството на американски воен персонал во Сирија без покана на таа држава, не ве потсетува ли на една друга актуелна ситуација на друго место за која постојано се повикува на Повелбата на ОН, меѓународниот поредок, се цитираат резолуции? - Нема американски војници во Сирија! - Ако нема, како беа повредени петмина во напад во Сирија?

Русите сакаат да ви го земат Донбас, ама ние ќе ви помогнеме да го браните. Тие највероајтно на крај сепак ќе го земат Донбас, ама заради тоа што ние ве браневме, ферски е да ни го вратите Лвов. Анкета со Пољаци кои имаат предлог за компензација.

Пошто волкот го лоциравме, уште само да кажеме дека трите прасиња се Украина, ЕУ и НАТО. Во оваа верзија на басната, не издржува ни најслабата куќа (на прасето Украина), ни посилната (на ЕУ-прасето), но, за жал, не издржува ни најцврстата куќа, онаа на НАТО-прасето. За среќа, овие прасиња добиваат шанса да се засолнат кај Американецот. За среќа.

Ако побараш да бидеш услужен на руски јазик, добиваш порака „Слава на Украина!“ (и толку од услугата). Ако сакаш банкоматот да ти ја врати картичката, ќе мора да ја одобриш украинската порака „Слава на хероите“. Многу елегантна демонстрација дека актуелната војна е и битка за западните демократски вредности. 

Зеленски стана претседател со мека реторика за враќање на раатот на луѓето кои живеат во источна Украина и сакаат да зборуваат руски. Во тоа време, и самиот тој зборуваше руски. Поради јазот меѓу ветеното и она што реално се случи, некои го викаат „најдобро платениот актер на светот.“ Оти па Заев послаб беше.

Еутаназијата е премногу деликатна и интимна работа за да носиме ригидни морални ставови околу тоа. Ама, да се прават инспирациони видеа на темата? Еве една „инфлуенсерка“ која ја снима својата баба на која веќе и е закажан датум кога ќе биде заспана и умртвена. Па онда ја прашува како се чувствува што ѝ се ближи денот и дали е возбудена околу тоа.   

„Во целата моја кариера во која сум препишувал секакви лекови, немам видено нешто што е помалку ефикасно а прави поголеми белји отколку вакцините“, вика доктор Асим Малхотра кај Роган. Информира и за ова: ги повториле студиите кои ги правел Фајзер и Модерна, ама овојпат независно. Добиле резултати кои на вакцинираните нема да им се допаднат.

До пред само неколку години, на Запад постоеше консензус дека сирискиот претседател мора да биде отстранет од сцената. Консензус силен и челичен како оној што моментално на Запад постои во врска со руската инвазија на Украина. И каде е сега Асад? Ене го, после 12 годишна забрана, галантно им држи лекции на Арапската лига дека само обединети ќе ги биде.