Попрецизно објаснување за куче нема во Британика. Секој што некогаш чувал пес, знае колку сето ова е точно, посебно делот околу тоа колку стварно  те сака.

Информации за вино за мажи, без тие "нота на ..." или "жичка на ..." и фала богу не предлага кафе со виното. Плус, некако страв да те фати ако не купиш од кај него.

Веројатно една од најголемите придобивки на мејлот е што можеш да им кажеш се на поранешните колеги (а и на кого било друг), без да треба да ги погледнеш во очи.

Изборот е направен врз основа на гласањето на членовите (1,6 милиони) на британскиот сајт LOVEFiLM, за тоа кои им се најчесто паузирани сцени.

Како што ни е фала Богу познато, Ректорот на Држaвниот Универзитет "Св. Кирил и Методиј" годинава ги покани своите декани, проректори и колеги професори новата учебна година да ја започнат со двете прочуени академски дисциплини - Литургија и Молебен.

Негативните кампањи не се ништо ново. Избор од 22 клипови од американски претседателски кампањи во кои се напаѓа противникот а истиот ни дава увид во стилот и стратегиите на кандидатите во изминатите 6 децении.

Не мора секој пронајдок да биде корисен колку тркалото и генијален како далечинскиот управувач за телевизор. Секојдневието е полно со мали дупки на кои им требаат само мали досетки.

За да ви биде појасно колку ние како држава премногу серизоно се сфаќаме себе си, една реклама од Данска по повод воведувањето на новите автобуси во Копенгахген.

Талат Џафери му раскажувал на внукот приказна за лека ноќ, така е настаната Финска....

Џими Кимел во едно од подобрите тролања на своите гледачи. На истиот ден кога излегува Ајфон 5, излегуваш на улица и им го даваш на луѓето "новиот" Ајфон да го споредат со претходната верзија. Новиот = веќе постојниот Ајфон 4S. Воодушевување на ниво.

Разбудете го инспекторот во себе и решете ваков грабеж во продавница. Сведокот: Беше мирно и одеднаш се случи експлозија! Од прашината излета полугол човек. Вие: Како изгледаше? Тој: Како Бејн од Бетмен. Вие: Сам ли беше? Тој: Не, со неколку ноеви!

Познато е дека "што се случило во Вегас останува во Вегас". Но, токму таму една галерија е претворена во интересен проект за анонимни исповеди. Влегуваш во кабина, пишуваш на парче картон што ти лежи на душа и тоа станува едно од илјадниците објавени исповеди во галеријата. Ние би можеле да помогнеме како публика. Да читаме туѓи признанија и да се згрозуваме од другите. А да, Фејсбук служеше за тоа.

Како е можно покрај сите праведно и неправедно пропаднати кафани што ги знаеме кај нас (а и оние што се тргнати на тој пат), ниеден, ама ниеден да не се сети... да пропадне на овој начин?

Телефонска поплака на тазе сопственик на БМВ со автоматски менувач. Кога става во "drive mode" (D) сè е во ред, освен што тој верува дека D e за дневно возење. А кога ќе падне ноќ, нормално му е да префрли во ноќно возење (N). Погодете за што му е рикверц "R".

Како што знаете, пратеникот Талат Џафери реши да блокира донесување закон со маратонско окупирање на говорницата. Бидејќи добар дел од граѓаните погрешно се уверени дека имаат некоја попаметна работа во животот отколку да го слушаат пратеникот, ние решивме да жртвуваме неколкумина издржливи пријатели да го следат обраќањето и во кратки црти да ни пренесат за што тој зборува. Еве го нивниот извештај.

Продавам возило Субару, одлично очувано, металик сребрена боја, кожни седишта. На инсистирање на семејството, можно е истото да биде заменето и за лекции во Фотошоп.

Конечно е откриена долго чуваната тајна зошто кај некои сосема нормални луѓе, по само неколку испиени чашки ракија, одеднаш се буди латентниот Сариевски и тие одеднаш добиваат неописива желба гласно да ви запеат стара галичка или слична песна.

Бебе кое се буди е како шалт табла од кола кога се става контакт клуч па се проверуваат функциите на моторот. Незадоволство - има, гадење - работи, одбивање - присутно, смеење - чекирано.

Краток документарец за поранешниот член на Њујорк Џајантс, Чад Џоунс, кој како еден од најдобрите колеџ спортисти влегува во НФЛ. Кратко по ова доживува сообраќајна несреќа пред воопшто да изигра еден единствен натпревар. Во сообрајката Чад речиси загинува. По 2 години терапија, тој се очекува дека во 2013-та ќе се врати во НФЛ.

Ликов е царот на "first world problems." Во конкретниов случај, тоа е кога имаш доволно пари да купиш куќа, да ја опремиш, да купиш фрижидер, да го наполниш со храна и на крај да снимиш видео за тоа како не можеш да отвориш некое пакување. Иако, во право е за тоа глупиот сок со цевче.

Ако една од ставките на вашиот "Bucket list" е некако да се зближите со Шарлиз Терон, редно е да научите како правилно се изговара нејзиното име и да навикнете на дијалектот на кој таа наутро ќе ви шепоти на перница мека бела.

Некогаш е потребен автентичен звук за да се добие целосен увид во некои историски решенија. Да речеме, после ова, имаме повеќе разбирање за контроверзните потези на Лазо Колишевски. Ставете на рипит па ќе видите. Може човекот имал иста ваква во комшилук.

Во секоја дебата со хардкор Епл корисници имаш два момента: 1. нема камера / 3Г / нешто слично, затоа што не ти треба. 2. де бе голема работа, купуваш едно кабелче од 30 долари и можеш да го споиш.