Јасно е дека во брак често на човек му паѓа мрак, ама, ова е хронично слепило: Кинез ја тужи својата жена затоа што станала грда. И судски добива 120.000 отштета. А кога ќе ја видите јадната како изгледала порано (кога му била убава) и сега (кога му е грда), најискрено ќе му посакате на црепот да си најде пак убава. + исправка од повнимателки слушатели од нас

Еве одговор на вековното прашање зошто во Лада нема воздушни перничиња. Затоа што не се потребни. Ух, каков г'злак.

Неколку гиф реакции на секојдневни ситуации.

Еден од најкотроверзните експерименти изведени во "слободниот свет" во кој со електро-  шокови се тестира спремноста на луѓето да им се потчинат на авторитети. Колку да се знае, главниот доктор Стенли Милграм бил инспириран од судскиот процес на првиот СС-овец Адолф Ајхман.

Никола Тесла и Марк Твен е двојката која сочинува едно од најчудните пријателства во историјата (стварно биле другари). Едниот саркастичен сатиричар, другиот луд научник, двајцата брилијантни на сопствен начин. Марк Твен пишува за изумите на Тесла, а овој пак во неколку експерименти го користи Твен како "жртвено јагне." Сето тоа некогаш. Kако би излгедале двајцата ликови кога би се појавиле во 2012-та.

Колку порано го фатите ова, толку поголем дел од работниот ден ќе изгубите. Во основа имате 6 бои и три начини да ги искористите. Целото е толку добро направено и толку лесно, што после некое време ќе помислите дека стварно ве бива за овие работи.

Поправна мерка од типот "види што те чека." Млади деликвенти со по неколку прекршоци ги носат во затвор за да се запознаат со своите потенцијални цимери, па сами нека решат што и како.

Ти требаат четворица, токмак, хебла и сајла. Прв чекор, го отвораш банкоматот како паштета.

Новиот исчекор во роботиката се вика "просторно таргетирана комуникација и самосоставување". На нашки се преведува: "сме наебале". За да нè одоброволат, ни покажуваат дека синхронизираните роботи ќе ни носат пиво и чипс на тросед. А во реалноста, ќе ни носат правосмукалка бидејќи командите ќе бидат кај жената. 

Чујте една реална и автентична мудрица. Естетските стеротипи веднаш паѓаат во вода откако ќе ги слушнете нејзините ведри, позитивни и здраворазумски погледи на машко - женската љубов. Се вика Амара Шабиќ Лангиќ, муслиманка со 4 деца, живее во Травник и болува од мултиплекс склероза. Царица!

Дитер Рамс повеќе од 30 години е главниот дизајнер на Браун, одговорен за иконските производи кои излегоа од оваа компанија. Токму тој е човекот во кој се крстат сите дизајнери на Епл, а сите феноменално скроени производи што Епл ги вади во последните 10-на година се инспирирани токму од неговата работа. Според Рамс, единствено Епл ги следи неговите 10 принципи на добриот дизајн.

Тие што ги излгедале овие филмови, знаат дека во сите нив клучен беше само еден момент. Една поинаква одлука и се ќе се беше поинаку.

Целна група: жени
Јазик: чисто Струшки
Времетраење на проектот: 7 дена
Напомена: Проектот се учит теоретски, сама че се праксираш.

Не е за Ромни, туку е за Доналд Трамп. Обама запрашан што има Доналд Трамп толку против него: Се почна уште на времето кога двајцата растевме заедно во Кенија.

Анатомија на нож, поделба на кујнски ножеви, неколку финти за поефикасно користење и како да се разберете со луѓе на тема ножеви.

Во секое време кога ќе ви фали некој убав збор а немате некој во близина (или воопшто) да ви даде кураж, отворете го линков. Знае он што да каже.

Целна група: мажи
1.1 Женети мажи
1.2 Мажи кои се спремаат за женење
Јазик на кој ќе се одвива обуката: Македонски, кумановски дијалект

Фала, фала, можете да престанете да ни го праќате Митар Мириќ во огромни количини! Збуделавме колку е добар! Се испостави дека албумот постои ама насловите на песните се производ на нечија дополнителна креативност. Невердлес, Митар си е Мириќ па сакаме да го споделиме и озглогласениот албум и нашиот најјак хит од него (песна која ако јси ја пуштите рано насабајле, денот може да ви тргне само во вистински правец, бидејќи веќе сте го допреле дното). И стварно фала за соработката, супер се овие "колаборации".

Ваква сцена имаме пред себе: човек кој е опседнат со демонот на хомосексуалноста (иако, по фаца повеќе личи дека има проблем со столицата отколку со демонот) и свештеник високо обучен да го избие педерот од него. Демонот малку се инати, менува глас, се опира, ама на крај попушта (Егзорцистот ептен ербап) и го напушта телото на ова Божје чедо. Кутар демон, со какви будали си има работа.

Тејлор Морис и Даниел Кели се дечко и девојка. По некое време, Тејлор решава да се пријави во армијата е и распореден во Авганистан. Таму, во една експлозија ги губи сите 4 екстремитети. Ова е приказната потоа. Предупредување: до крајот на видеото, вашите проблеми може да ви изгледаат глупо.

Кратко филмче (5 мин) за Луи Ортиз, невработен тип од Бронкс кој ја открива смислата на својата егзистенција кога сфаќа дека неверојатно личи на американскиот претседател.