Абсолут вотка го лансира брендот Absolut Unique, кој ќе се двои од другите по тоа што секое едно шише од пијалакот ќе биде уникатно и нема да личи на ниту едно друго. Бонус: ова ќе го прават со 4 милиони примероци.

Листа од сериите што треба да продолжат есенва. Не се сите што постојат, туку некои што ги гледаме или што некој ги пофалил. Плус, нема ниту едно скроз ново шоу, сите се со барем една пројдена сезона.

Скопје, 2013-та. Во работна и пријателска посета на Република Македонија пристигнува новиот чешки претседател. Ѓорѓе Иванов и гардата се подготвени да го пречекаат високиот гостин од странство. Авионот слетува, скалите се поставени и - еве го! - излегува господинот Владимир Франц.

На филмскиот Sky канал, октомври ќе им биде во знакот на 007. Ѕирнете како жестоко добро го најавуваат циклусот. Како ли би било ова со турски серии, кофи солзи ќе се истураат на екран?

Патуваше накај дома кога загина. Беше сообраќајна несреќа. Ништо посебно, ама сепак фатално. Зад себе остави жена и две деца. Почина без болка. Брзата помош се обиде да те спаси, ама не успеа. Твоето тело беше искршено, вака ти е подобро. Верувај ми.

Руски професор по англиски јазик, од уплашената ученичка извадена на табла добива малку задоцнет но затоа многу прецизен и директен одговор. Па така бре дете!

Постои само еден начин да се справи со овој ѕвер на маалскиот баскет - секогаш кога ќе направи мајмун од тебе, му бараш "носена." Последното видео му е од 2006-та година. Може го има папано.

Грол и Новоселич можат слободно да го земат дечково и повторно да ја стартуваат Нирвана. Ликот е непознат, а видеото е направено во метрото во Москва.

Гугл има една посебна навика да ги промовира своите сервиси преку работи кои немааат никаква логика или поврзаност со она што се рекламира. Ова се некои од подобрите примери.

Лудата корејска песна која префрли сто милиони прегледувања на Јутјуб добива "македонско" видео. Пар луѓе се зезале и ја легнале песната на еден олд скул спот на K-15. Функционира.

Да знаете колку е комлицирано да видите жолта (или која било друго освен сина, зелена и црвена) боја на монитор, по цел ден ќе мижевте. Дечкото почна да објаснува за жолтата, па потоа удри и по други теми.

Што има во капучино, што во макијато, мокачино, лате... Ќе ги запамтите сите овие комплицирани подмножества и ќе отидете во место во кое ќе ви речат дека имаат само турско.

Една од оние илузии кои ве тераат веќе ништо да не им верувате на сопствените очи. Лажат, сушат. Без секирација, не мрда ништо и не мора да зјапате во некоја точка.

Видео за снимањето на дел од спектакуларниот серијал Planet Earth на БиБиСи. Момент за внимание и почит: биле потребни 2 години за да се направи една минута од материјалот. Целиот проект изгледа како изградба на Пирамиди во споредба со сè друго што е снимено.

Проблемот со преименувањата на четирите основни училишта во скопската општина Чаир повторно ги разбранува духовите во владината коалиција. Во период кога и слупчајот Слупчане сè уште ја тресе коалицијата на власт, се чини дека овој проблем се закани да биде капка која ќе ја прелее чашата.

Комплетно средена и функционална панорама од Марс од 360 степени. Не е нешто посебно одржувано местово, ама пак - панорама од Марс.

Во животот имаш приоритети и имаш пиво. Лесно се наоѓаат нови приоритети.

Знаете ли што е АНАТИДАЕФОБИЈА?

Откако ќе видите како во некои делови на Африка се решава главоболката, има да ги гушнете своите омилени таблети и сосе златце да ги пиете. Запазете го само тој звук!

Добро е што летово завршува па може до следното ќе попушти заклетвата зад која во моментов цврсто стоиме: никогаш, НИКОГАШ повеќе во море! А и за када да се размисли. Just wait for it.

Споменичната еуфорија кај нас наликува на Њујорк на почетокот на 30-тите годиниа на минатиот век, кога грозничаво се граделе облакодери. Разликата е во тоа што на Американците не им пречело да внесат хумор и авто иронија во приказната. Кај нас само бескрајни дрвења, во обата правца. Да ѕирнете една фотка па замислувајте колку добро би изгледало ова во наша верзија.

Можете да не ни верувате ама ние стварно познаваме близначки кои вака се радуваат. И тоа го имаат научено само гледајќи го татко им, кога ќе седне на маса а ќе му кажат дека шприцерот е изладен.