Во зависност од тоа во каква врска сте, така варира и количината на драма што ја имате во животот. За тие што им треба малку повеќе драма, TNT сними уште една спектакуларна реклама за нивната телевизија, овој пат за Холандија. За потсетување, TNT бе истите оние што пред некоја година направија цела акциона сцена на еден плоштад во Белгија. Овој пат се уште подобри.

Многу интересна перспектива за побивање на многубројните теории дека Аполо не слетал на Месечината и дека цело време гледаме лажни снимки. Не се брани САД, не се докажува дека постоела технологија за да качат луѓе горе туку дека НЕ ПОСТОЕЛА технологија да се направат лажни снимки.

...да не му беше поважно да си ги види родителите.

Куќа огласена за продажба. Со огромен базен пред неа. Ако ја купите, се бањате во помал. Имајте го ова на ум кога гледате/читате вести.

Не дека ние немаме вонсериски цепаници од законодавци, ама, ќе си рече човек, американски сенатор мора да е од друг калибар. Е па, не правете си Бајрам со умот.

Како ова го имаме пропуштено/ заборавено? Барем ќе знаевме дека дел од причините за смртта на Мајкл Џексон биле на нервна база.

Добра вест е што 2012-та не беше најтоплата досега (испадна деветта), но правецот во кој оди планетата е сосема јасен. Да си пуштиме видео од една минута?

Една од корисните нуспојави на фактот дека PayPal никако да дојде во Македонија е што интернетот врие од супер згодни и супер непотребни измислици и производи кои се така фино смислени што некогаш не можете да им одолеете.

Разликата меѓу графичките дизајнери и останатите професии, е што ако им се падне глуп клиент тие секогаш знаат како визуелно да му доловат колку е глуп. Еве колекција на трудови на оваа тема, од група напнати дизајнери.

Како изгледа една пладневна семејна емисија во Саудиска Арабија на тема, запознавање интересни професии и луѓе кои ги обавуваат. Со прашања од типот: а им давате ли претходно анестезија? Ви се гледа или не, пресечете сами.

Видеово е ужас. Ако некогаш сте им викнале на вашиот дедо / баба / мајка / татко, ни под разно да не помислите да го изгледате, бидејќи веројатно нема да има друг момент во животот кога ќе се чувствувате барем приближно глупо.

Неколку пати имаме споменато за смогот и Пекинг. Пред една недела градските власти објавија дека нивото на загадување со смог во градот за прв пат во историјата го достигнало "портокаловото" ниво. Пред некој ден се појави оваа фотографија од смогот во градот. Како копија од Блејд Ранер.

Иако дел од запамтеното нам може да ни изгледа банално, а дел прилично чудно (секаде се пуши?), супер е да се читне како изгледаме некому кој не е оптоварен со милион детали кои ние си ги знаеме за нас. Една блогерка, после шпартањето низ Македонија, одвоила 15 работи кои странец треба да ги знае за оваа земја, природа, луѓе и останато.

Намерата е добра, за изумот не сме сигурни дали ќе функционира ама инвенторот, да е паметен, ќе му ја препушти презентацијата на некој кој има барем ронка харизма.

Најважно, твитајте од 12 до 14 часот. Тогаш е гужвата.

Интернетот е полн со клипови во кои другарчиња си ја тестираат меѓусебната доверба, дека другиот ќе те држи кога ќе паднеш слободно. Па главно едниот зезнува работа и онда е тоа смешно. И овде еден зезнува работа, ама комплетно поинаку.

Таа на човекот му дава 20 проценти од светскиот кислород. Дом е на 30 проценти од познатите видови птици и на вкупно 10 милиони видови растенија, инсекти и животни. Преку 3.000 видови растенија се хранливи. Човекот во изминатава деценија ѝ го има направено ова.

Бидејќи ние од рамковни причини се плашиме да се попишеме, можеме само да замислуваме како би изгледала една ваква пописна мапа на Македонија.

"Ова е мое тело, можам со него да правам што сакам," вели Ленс Армстронг. И ние сега добро знаеме дека е така. Само што во 2001-ва, за реклама на Најк, смислата била поинаква. Морничаво е колку убедливо можат да звучат лагите. 

Спроти втората инаугурација на Барак Обама, фино склопено видео упатство со 11 точки кои треба да ги содржи секој ваков говор. Навежбајте ги и онака, по пижами, пред неделниот ручек, обратете им се на домашните.

Волво има некој систем што се вика Collision Warning, кој автоматски ја крева рачната кочница. Уште една работа, системот е за шлепери и кога го пробуваат треба да закочи од отприлика десетина метри. Еве како функционира.