На акордите на Let it be, Марли ја пее No Woman... A после, обратно. Двете песни се сакаат ко братче и сестриче.

2.000 калории е бројката што се смета за оптимумот колку храна треба да внесете во текот на денот. Ова е бројката за просечен човек (бидејќи во зависност од вашата големина таа може да варира) и ова е просекот што го пишува на сите табели за храна на производите. За да не се прелажуваме дека 2.000 калории се многу, еве ги како изгледаат.

Кога имаш пипер - патлиџан, можеш да решиш да го смениш личниот опис на центарот на главниот град (на подобро или полошо, слободно колете се на темата). Кога имаш нафта и руда, можеш да си го дозволиш ова.

Малиот е роден апаш. Ноќе, доаѓа до заклучената соба на сестра му, со алат за обивање врата, ги крие доказите, влегува... ама, кога ќе видите што украде, не може да не му простите.

Оваа вентрилоквистичка точка не е ич нова (ланска е) ама останува едно од најбријантните парчиња сценски хумор изведен со помош на некој од публиката. Какво наседнување, каков расчекор меѓу говорот на неговото тело и она што таа му го пика во уста, браво.

Девојка лесно може да му раскине на дечко, освен кога дечкото е тип од гето, онаков пирсан, опасен.... Фраерот направил двоминутно видео во кое најбесрамно ѝ кажува што мисли за неа. Уста една погана, ништо не ѝ преќути!  

Напстер и дузина други сервиси рикнаа ама фала му на бога, БитТорент е живи и здрав и носи 40 проценти од светскиот интернет сообраќај.

Таман како за после избори: од државата Апсурдистан која ќе биде меѓународно верификувана на 15-ти април ни доаѓа нејзината најтазе химна, потпишана од режимските умeтници Дубиоза Кoлектив.

Спидо купаќа, солиден пивски стомак и еден body confidence рамен на оној на Мик Џeгер. Ајмо царе, покажи ги потезите.

Тој што победува, има право да слави. Тој што слави без памет, има право да се кае.

Алфред Хичкок го пушта својот филм Прозорец кон двориштето (Rear Window). Некои кино сали го земаат филмот, некои не. Хичкок си купува рекламен простор за да ги поздрави менаџерите на овие вториве. Да ги поздрави со едно упатство.

Основна карактеристика на добар аларм е да го мразите, бидејќи само така знаете дека ви врши работа. Овој ќе го мразите 100.

Доаѓа лето па некои родители ќе се прашуват кога е време да го пуштат малото во вода. Веројатно додека сè уште работи на инстинкти и паметот не преовладал.

Пуританците нема да бидат задоволни. Ние нормалните ќе крикнеме: Фала му на бога! Да прошетаме низ насловните женски на магазинот Есквајер од 1936-та до денес. И она што копка: како ли ќе изгледа ова 80 години од денес?

Ако треба тагови за видеото: [Eye Candy], [Fap Juice], [WTMotherF], [Owned], [Boobies].... (NSFW)

Огласите се еден од најинтересните извори за запознавање со некој народ или епоха. Додека собираме наши, да видиме што се случуува во паралелната Америка, онаа која ја има во весници ама не на насловна. 

За сите вие кои некогаш сте се зачудиле колку глупи луѓе постојат наоколу и патем сте папсале од расправа со нив (бидејќи ве фаќаат на кондиција), една лоша и една добра вест. Лошата - ВИЕ ќе треба да се смените. Добрата - постои чаре благодарејќи на кое веќе нема да се чувствувате како малцинство. Се разбира, тука се и и контраиндикациите, но и тие ни се одамна познати.

Наши политички, естрадни, медиумски и секојдневни асоцијации предизвикани од анимирани гифови - формат кој со својата репетитивост најпрецизно го отсликува ритамот на нашето живеење.

46 минути, ИМДБ оценка - 8,1

Не е дека си го правиме меракот, ама си го правиме меракот. Речиси 2 часа блупери од Офис, од цели 7 сезони. Ги нема само прва и деветта сезона.