Ако сакаш да видиш колку си досаден кога имаш телефон со тебе, пробај да пројдеш еден ден со пријателите а телефонот да ти е заборавен некаде низ дома. Одвратно неинтересно.

Порано се лепеа филмски постери по ѕидови како стејтмент за својот поглед на свет. Порано се ангажираше еден Пабло Пикасо за постерот на југословенскиот воен филм Неретва. Порано.

На оваа музика, и снимки од Самка Ибраимовски да ставиш... добро, не баш.

Нил ДеГрас Тајсон пробува себе си да им се објасни на другите и како тој ја гледа целата работа околу постоењето на Господ: "Некој што не знае, што нема видено докази за тоа, ама е подготвен да ги прифати доказите ако се појават, но ако не постојат нема да биде присилен да мисли нешто што на друг начин не е поддржано."

Едночасовен документарен филм за Јованка Броз, животната сопатничка на Тито во последните 30-тина години од неговиот живот. "Што можам да му замерам како на сопруг? Тоа што работи многу," вели жената која на 28 години реши да се омажи за 60-годишниот супер-херој на некогашната СФРЈ. Почина во Белград на 89 години.

Насилството не е решение. Никогаш. Не треба ниту да се размислува за тоа. Ама... Ако некако мислиш дека функционирањето на комплетниот сообраќај треба да зависи од траењето на твојот разговор, може и е логично да ти се случи ова.

Не сме сигурни што има во утринските програми по македонските телевизии ( ги памтиме по омилената реченица на водителките: "велиме добро утро за кого?") но во руските, ти доаѓаат офицери од армијата и ти ја пеат Скајфол од Џемс Бонд. Оди па не се рассони.

Во студио, еден до друг, без никаква посебна најава Луи Ц.К. против Џеј Лено. Ништо насилничко, само одлична серија на спуштања еден на друг.

Старо видео парче кое секогаш знае да ни ја врати довербата дека во космосов има некоја правда. Новинарско јавување во живо, добро, до крај.

Ако баш баш се изгубите во дивина, се стемнува и заладува а немате со што да запалите огин (ама случајно имате и папрат и нож), Bear Grylls ќе ви објасни како да го употребите својот мобилен телефон. Ама што ќе ви е огин ако после немате како да се пофалите?

Прв видео спот од 10-от албум на дечките од Сиетл. Албумот се вика Lightning Bolt, спотот е во режија на Дени Клинч. Си грмиме.

Истиот човек во двете ситуации, има задача да мине 7 тестови. Она што уште од старт е голем плус за кампањата на напушениот е што уште никој не се разбудил мамурен од марихуана.

Да видевме ваков наслов на медиумите кои дудлаат кај Владата, ќе мислевме дека е порака од горе за менување на курсот. Да видевме ваков наслов кај сороспиите, ќе мислевме дека појачуваат притисок за предавство. Кај нас, којзнае што се помислува. А е рокенрол. Пошто од секс, Маро мори, абер да се немало. 

Конечно можеме да ја видиме музиката од Бумбаровиот лет на Римски- Кoрсаков. Без бумбари, нормално. Фина визуелизација.

Кога ќе решиш да опљачкаш шугаво гранапче а нема кој да ти каже дека гранапчето го држи некој дојденец од Америка кој порано бил познат ама му досадило тоа па решил да се повлече во Бразил. И го викале, како беше... да, Чак Норис.

Да бидеме реални, кај нас ова може да доведе до општа тепачка. Замислете ги нашите гревови кои кмишат во Заводот за вработување. Им влегува флешмоб со инструменти и почнуваат да им ја пеат "Here Comes the Sun". Замислете!

После цела година работа, одиш на одмор, дента рано стануваш за на плажа, фаќаш одлично место за пешкирот, се закотвуваш, кога одеднаш те облива непогрешиво чувство дека се наоѓаш на плажа во сопственост на руската армија.

Во рускиот град Уфа свечено беше пуштен во употреба новиот подземен премин, инвестиција за која градот одвоил близу еден милион евра. Од новиот премин се очекува битно да ја зголеми безбедноста на пешаците и да го олесни секојдненото движење на ова фреквентно место. А сега, да ви го објасниме насловот. 

Сметај дека некако си добил врховна власт и дека баш ТИ треба да решиш како ќе изгледа некоја улица во Скопје (или кој и да е град што сакаш да го владееш). Ти даваат да одбереш колку метри сакаш да ти биде широка улицата и после тоа редиш елементи: лента за автомобили, посебна за автобуси, посебна за велосипеди... Едноставно имаш можност да ги исполниш сите свои влажни урбанистички соништа. Ај види на што ќе ти личи населбата.

Само на најлошо да се мислело. Еве го одговорот на старата (и досега непостоечка) законитост: Зошто сопствениците на кучиња послабо пливаат од останатите? Затоа што кучињата им мислат дека секогаш треба да ги спасуваат од вода.

Откако ќе стигнеш до таму до каде што можеш, одма продолжи на идното, на повисокото, на што и да е, само да е поголем предизвик од тоа што си го минал до сега. Барем Најк така вика.

Видете, и тој и ние сме чеда божји. И ние знаеме де се прекрстиме како него ама потоа овој брат кажува молитва ("Господе, не воведувај нè во искушението да одиме лангзам и избави нè од гравитацијата...") која нам никако да ни упали.