Ако сме искрени не е некое независно истражување и не е некое шоу за автомобили (Топ Гиар или слично), туку е реклама на Смарт. Ако и понатаму сме искрени, рекламава не лаже, само има сопствена перцепција на работите.

Токму чистокрвноста е причината зошто вие мислите дека неприродно тромавиот булдог е сладок и интересен за гледање (без разлика што речиси сите имаат изместување на колковите, животниот век им е 6 години, едвај може да дишат затоа што им е сплескан носот, а главата им е толку голема што се пораѓаат само со царски рез). Дечково има уште неколку непријатни работи што сака да ви ги каже околу чистокрвните.

Тазе родители ќе го гледаат докторов како магионичар дојден од друга галаксија, со единствена мисија да ги спаси од ново-породените маки. А веројатно и нему ова му е полесно него цел ден да му трешти ординацијата.

Не, нема да ви пуштиме три видеа, туку едно единствено. Сите овие тројца, еден до друг, на иста бина. Да застанат денес така заедно, со своите гравитации ќе направат таква црна дупка која има да ја проголта сета денешна музичка сцена.

Затоа што е најбезбедно. Возењето близу до тротоарот е опасно затоа што таму најчесто се собира ѓубрето, има шахти (кои исправни, кои не), и преполно е со дупки. Плус од оваа позиција возачите немаат добра претстава каде си и не можат секогаш соодветно да дејствуваат (дури и да сакаат, а обично не сакаат).

Брегот на Слоновата коска е последното место на кое ти текнува кога некој ќе спомне чоколадо. Тоа не и пречи на земјата да биде најголемиот извозник на какао во светот со 1,6 милиони тони годишно. Луѓето од насловот се истите луѓе што ги произведуваат овие 1,6 милиони тони. Ова е нивната реакција кога прв пат ќе пробаат.

Таа го познава како нормално влакнесто створење кое ја чува и ја игра. Тој оди до купатило и се враќа мазен и никаков. Нејзината реакција е праведна: Си го сакам тато назад!

Имаше еден виц кој одеше вака: Фамилијата морала да го остави дедото во геријатрија. По некое време во државна геријатрија, решиле дека стариот заслужува подобро, па нашле скапа, приватна. И стварно....

Не е идејата да се живее по нив, ниту пак се напишани во камен, ама може добро да дојдат за освежување на твојата перспектива на светот. Не мора сите да ги пробаш, прочитај и одбери што ти лежи.

Документарец за земјотресот во Скопје, скоцкан од материјали од Застава филм, Филмски новости и тоа што можело да се спаси и што остано од архивата на Вардар филм по поплавата и земјотресот. Целата приказна почнува уште во добрите денови на Скопје.

(Во понатамошниот текст може да има спојлери во зависност до каде сте гледале) Прашањето е кои му се родители на Џон Сноу, а теоријата (истата е сериозно поддржана и во книгите) е дека тој не е копиле на Едарт Старк, туку е на Лијана Старк (сестрата на Едарт околу која почнува целата војна) и Раегар Таргериен, синот на Лудиот Крал. Ова го прави Џон Сноу обединител на целиот Вестерос, плус му дава одлична комбинација на натприродни моќи. Бонус, излегоа блуперите од 4-та сезона + новите ликови за 5-та сезона.

Кратко филмче целосно снимено со Самсунг Галакси С5. За човек што знае што прави, 16-те мегапиксели на Самсунг, плус малку играње со ХДР-от, се сосема доволни да долови еден ваков Трст.

Седум години пред Илинденското востание, браќата Лимиер најмуваат камерман (со платени придонеси) да ги направи првите снимки од Палестина и Ерусалим. Овој најверојатно им јавил, "Овде нема ништо, досадно е". Век и нешто подоцна, ги стига клетвата да живеат во интересни времиња.

Додека не стигнало кај нас да фатиме сеир на комшиите. До сега во Србија се пројдени Белград, Нови Сад и Ниш, за Македонија уште нема најави кога и каде би почнале.

Затоа што секогаш излегуваат со големи мајка мечки. Видеово има претерано многу Блер вич проект завршеток. Нормално, Русија.

Нивната филмска кариера е богата и комплексна но на неа може да се гледа како на една долга студија на машката меланхолија. Видео есеј посветен на опседнатоста на браќата со различните варијации на машката сјебаност, раскажан преку нивните 16 заеднички филмови. Нормално, видеото е насловено: Men of constant sorrow. 

Во конкуренција влегува секој краток филм, спот, реклама или брендиран контент се додека е пократок од 5 минути. ЈуТјуб знаете кој се, а D&AD се Design and Art Direction, британска образовна добротворна организација која постои "за промовирање на врвност во дизајн и адвертајзинг." На кратко, многу убави работи за гледање.

Таман кога луѓето помислија дека од ласер можат да се збунат мачиња, кучиња и други носители на пониска интелигенција, Господ ни го праќа овој наш брат за да нè натера да не носиме прерани заклчучоци.

На тема свадба, тајни исповеди собрани од Whisper, бесплатната апликација која нуди можност да си ја олесните душата и со светот анонимно да споделите тајна која ве мачи. Кога ќе ги види останатите, како ли ќе се чувствува човекот кој решил да признае дека на пијано ја изел тортата?

Џон Стујарт има проблем да каже нешто за Израел без притоа да биде нападнат од другите дека е предавник, платеник и сл, исто како што е кај нас за: кој почна да краде, кој прв почна да ги троши парите, кој ги потроши парите, кој ја почна војната, кој кого натера да ја почне војната, кој го продаде името, а кој допрва ќе го продаде, кој ја уништи земјата...

Олег Митасов е магистер по економија, кој ментално заболува откако наводно ја заборавил својата докторска теза во трамвај, заради што никогаш не го добива докторатот. Фотографиите се од неговиот стан во Харков, Украина, и се направени по неговата смрт.

Матео Ренци е актуелен премиер на Италија кој на Бенито Мусолини му ја одзема титулата најмлад италијански премиер (од обединувањето во 1861-ва година). Ренци е толку млад што на англиски можат да го запишат, ваљда, догодина.

Зошто бананата е ноќна мора за атеистите и дали е можно таква совршена каква што е (повторуваме: бананата) да не е креација на Семоќниот, во следново видео за кое уште не сме сигурни дали овој нè заебава.