Баба ти, стара Велешанка (наназад неколку генерации), ја носиш да проба пастрмајлија во глобален ланец на пицерии (на пример Доминос / Пица Хат...). Презирот во погледот што ќе го добиеш после првиот залак Холивуд уште се обидува да го фати на камера. Е, истото ова, само баби Италијанки, ги носат во синџир италијански ресторани.

Се изнапишувавме бројки и анализи за она што ѝ се случува на Грција. Малку да смениме жанр. Во карикатурите на некоклумина светски карикатуристи ја имате Грција и како мрзливо и разгалено детиште и Грција решена да им се спротивстави на моќниците како Германија и Франција. 

Нека не ве лаже неговиот добродушен и мапетовски изглед. Колку што е чупав, дупло е полаком!

Самите уредници на Економист признаваат дека за мала земја (Грција ја сметаат во мали) реткост е воопшто да се појави на насловна страна на магазинот. Од мај 2010-та до денес, ова на Грција и успеало 8 пати.

Фино објаснето видео упатство од еден сајт кој верува дека мажественоста е изгубена особина на чие враќање човек вредеи да поработи.

Митот е - ти што сакаш прави околу него, ама припадник на кралската гарда на служба пред Бакингемската палата нема да трепне, а не па да мрдне. Обично проблемот со митовите е што се митови.

Некогаш сè што сакаш е само да се вклопиш со другите... без разлика колку се глупи.

Затоа што никогаш нема потполно да го разбереме потенцијалот за сеир што го имаат маичките испишани со јапонска / кинеска / корејска азбука, ако не видиме на што личат нивните маички испишани со англиски слогани. Да, многу веројатно е дека истото важи и за твојата тетоважа со кинески букви.

Заштитен знак на шоуто се 15-минутните сегменти во кои обработуваат 1 тема. Сега празнично, за 4-ти јули, имаат 15 теми за минута и нешто.

Како никогаш до сега Мексиканците се претерано запознаени и апдејтувани на тема временска прогноза. Не е дека одеднаш цело Мексико почна да го врти колено, туку повеќе е до Инет Гарсија. Ќе ви пуштиме еден Австралијанец да ви објасни која е Инет Гарсија.

Кина изгледа забезекнувачки страшно како и да ја свртиш. После ова што ќе го видите (степен на дисциплина и исполнителност до кој можат да доведат едно човечко суштество) почнува да изгледа - само навака да не тргнат.

Никој од нашата редакција нит го познава ниту пак некогаш ќе го запознае, ама тоа не пречи уште од прва да го сметаме за комплетно наш човек.

Дечкото е пали - гаси. Ќе се онесвести, па ќе се освести, ќе види каде е и пак ќе се онесвести. Пребројте колку пати го прави тоа.

Дечко решава да види како им е на жените па решава цел ден да ги мине на високи штикли. Доби очекува сеир (Free the bitch, man!) и неочекувано голема болка. А дечкото не да оди, него си гази!

Промотивно видео за Шри Ланка. Сечено, лепено и монтирано. Особено монтирано! Така се тоа прави.

Тројца четворица (возрасни) другари сте и ви доаѓа идеја. Ние ќе ви го кажеме сетапот, ви како колектив бирајте дали ќе продолжите: железен меч, лубеница, стаклена маса.

Прашањето е подеднакво филозофско како и во која кафана јаде главниот готвач од твојата кафана, со чии текстови се релаксира човекот што ти го читаш, што пиво пие газдата на пиварата што го прави твоето омилено пиво. Единствена разлика, кај претходниве примери немаш ситуација од типот - малку глупо ми е кога гледам порно, пошто сите лично ги знам.

Добро е што Фреди Меркјури навреме се упокои за да не слушне како Канје Вест ја пее Боемска рапсодија. Да беше поинаку, поинаку и ќе звучеа збoровите "Mama, just killed a man"

Ќе се фасциниравме и ние од ова куче и неговата умешност да се пентари, ако не знаевме некои овдешни биографии на јавни лица кои направија уште поголеми успеси по вертикала. Наравоучение од оваа приказна: кога ќе гризнеш од врвот, задолжително одиш долу.

Неколку гуштери од руската армија фатени со левтерно однесување и последиците што мора да ги носат заради тоа.

Целата кривица паѓа на Питер Џексон и неговиот успех да ги крене компјутерските ефекти на сосема ново ниво. Од тогаш секое студио се бори да постигне што е можно поперфектни ефекти, и проблемот е што толку се добри што ова и им успева. На крај, баш оваа перфекција ги издава, и прави да не му веруваме на тоа што го гледаме.

На 30-ти јуни годинава заради неопходното штелување, атомскиот часовник на денот (на овој и само на овој) ќе му додаде една секунда. Еве цел сајт посветен на трошење на оваа секунда.