"Делот од нашето општество што е идиократија... она што тие го разбираат е како да се закачат на некоја тема, кој, што, како кажал... и ако можам ова да го ставам во категорија и ако го критикувам ќе имам многу другари на Твитер... на една минута..."

Видео експеримент на литвански центар за човекови права ефикасно покажува како звучи онлајн омразата кога ќе се изговори гласно, пред жив човек кому му е наменета. Поучно (неоти) за сите оние бедници кои по интернетов масовно истураат кофи говна едни на други.

Прашање:
Герасиме ... би ти бил благодарен ако го преведеш ова: Свекрвата и золва ми отидоа кај шурата на кумашинот да прашаат дали жена му и јатрвата ќе дојдат на свадбата на девер ми.
Одговор:
Шо има тука да се преведуе, ако можат, ќе дојдат.

Таткото е тука на својот син да му влева сигурност и стабилност, да го охрабрува, подржува, да биде цврстата точка во неговиот детски универзум. Е сега, замислете го сето тоа ама обратно. Не малку обратно туку многу обратно! Хомер Симпсон е срушен од пиедесталот.

Базирано на медицински студии кои допрва треба да бидат спроведени колку повеќе луѓе има околу тебе толку е поголема твојата нетолерантност на глутен. Ова е само еден од советите.

Земаш цвеќе, го ставаш сред некоја што е можно подебела книга, и за еден месец вадиш совршено сплескан примерок за хербариум. Така барем беше во 6-то одделение. Наспроти нас, Рон Арад се однесува како некој да му побарал ова да го направи ама од Фичовци.

Маж и жена со регуларен живот сè додека не се случи нешто што ќе тестира сè што до тогаш го земале здраво за готово и кое ќе инспирира снимање клип што ќе ви го скрши филмот дека вие имате проблем.

Прослава на 25-от роденден на Фотошоп. За да не излезе само празно фалење и да бидеш сигурен колку добро си ја вршиш работата од тогаш собери ги луѓето што се експерти за работа на твојата апликација, и дај им да работат на првата верзија. Експертско покајание.

За Еболата, и позицијата Прва дама (или Прв сопруг) и нејзините активности, и како Бил Бур тоа махерски го спои со позицијата сопруга на водоводџијата што ти работи дома.

Прво на памет доаѓа сцената од Шампионите на Шутка, со чиката кој се сомневаше дека 40-на години помладата сопруга го носи неговото дете. Тој човек имаше основа да се надева дека ДНК-а тестот можеби, колку и да е тоа нверојатно, ќе биде во негова корист. Тој, имаше. Новиов лик е нешто сосема друго.

Запознавање, вљубување, првиот секс, болното раскинување. Една фино скоцкана романтична врска каква што ја гледа - таванот. 7 минути.

Не работеле на иста ствар уште од 1996-та, ви се верува ли? Ама, еве ги! Двајцата наши драги луѓе повторно пичат заедно, за сецковиот Mooger Fooger, во песната "Продолжи да сонуваш" која го најавува новиот албум на бендот. Енко со вокал а неуморниот Сецко со неговите цврсти гитарски паравани. Ајмо браќа!

Бидна уште еден 8-ми март а мажите пак ништо не дознаа за жените. За математичари, проблемот е лесен. Координата X - згодна, координата Y - луда (последното парче од дијаграмот е прајслес). Ако имате 7 минути, бурјум. При крајот има и упатство за мажи. Нормално, многу пократко.

Одговор на тест по хемија на Универзитетот во Белград, на прашањето: "Дали пеколот е егзотермичен (шири топлина) или ендотермичен (апсорбира топлина)?"

Игор е Русин, инаку домазет во Америка, и тоа кај балдазата. Да бидеме искрени, човекот уште на 4 години се сели во САД и има најрегуларен американски нагласок (за на работа), ама по дома и понатаму избира да збори со руски акцент. Фоткиве ги прави балдазата и на тема, нејзиниот соживот со сестрата и зетот Игор.

Не 95-ка, туку Виндоус 93-ка, сместен во веб-страна и достапен на клик, ама достапен со комплетната своја одвратност, која по циклус од 20 години, сега изгледа некако свежо (како минатиот апдејт на иОС).

Во своите коментари за утринската програма на Студио Б, подоцна објавени во книгата "Белграде, добро утро", генијалниот Душко Радовиќ често ја начнуваше темата образование. 40 години подоцна, просудете сами колку тоа се сменило.

Знаете дека CNN има фетиш за ова и е еден од глобалните виновници за тотално девалвирање на смислата на "Breaking News". Брејкинг њуз им беше  информација за потонувањето на Титаник, брејкин њуз им беше и дека вистината за летот на MH370 нема да се дознае со години. Овојпат имаме пример за брејкинг граѓанска непослушност во срцето на Америка, Вашингтон.

Ќе го препознаете Артур во себе затоа што и тој дел од денот минува на она место кое го прави полош отколку што е. Значи, што прави Артур? Чмае во кола и пизди.

Генијална маркетиншка идеја. Спотот ќе ве натера да обрнете внимание така што ќе ви покаже колку сте лоши во обрнување внимание. Twelfe points!

Конан O'Браен е првиот американски меинстрим водител кој по прекинот на санкциите отиде да снима во Куба. Притоа најде за сходно прописно да ги изруга СиЕнЕн и целиот нивен концепт за пренесување вести, посебно закачувајќи го Андерсон Купер. Купер го изгледа тоа и одговори.

Ко копиљ на суво ги глумите сцените од штотуку одгледаниот акционен филм или боречкиот спорт по кој се палите. Подоцна пораснувате, фаќате девојка и соништата ви се остваруваат.

Ние не трчаме и имаме многу јаки причини насобрано за тоа: немаме време, воздухот во Скопје е загаден, патеката на Вардар или е преполна или нема жив петел, зимно време е ладно, летно време е полно со мушички. Дечкото на видеото скроз поинаку од нас. Ама, нему му е лесно, тој има време, воздухот не му е толку загаден....