По неколку години работење како келнер во кафулиња, дискотеки и ресторани, да ви кажам неколку ситници заради кои испаѓате многу глупи:

Се бара Џон Ленон. Да дојде и да си ја прибере.

Лајава плавуша малтретира луѓе од една кебаб сендвичара. Пазете, ѝ ја згрешиле бојата на пиперката а и незадоволна е од лингвистичките перформанси на продавачките. Мамата. Почекајте до крај; можеше кармата и појако ама ај, колку - толку.

Емотивна и на моменти бескрајно тажна приказна за едно македонско семејство во Австралија кое се превира и крши поради сексуалноста на синот. Таткото не зборува со него цели 15 години, остатокот од семејството му удира бојкот на синот, пуста мајка е во средина меѓу мажот и чедото...

Мапа на Лондон за чија изработка биле потребни десет години. И е толку преполна со емоции и симболи што би можела уште толку години да се разгледува.

Многу пред Марвел да ги испреплете своите филмови, Тарантино имаше почнато со поврзување на ликовите и филмовите кои ги снима. Во основа неговите филмови се делат на: филмови кои се случуваат во филмскиот универзум, кои ликовите на Тарантино одат да ги гледаат (Убиј го Бил...);  и филмови за ликовите кои го сочинуваат филмскиот универзум на Тарантино (Ефтини приказни, Неславни копилиња, Вистинска Романса...).

Сè што би требало да знаете за причините за трагедијата на Сирија. А не е за нафта или за религија, туку за она во кое сите по малку учествуваме.

Забележливо е отсуството на боновци, ангелини и ричардгировци да бекнат нешто за последниов бран бегалци. Каму концерт за оние милиони сиријски бегалци кои се во Турција и наоколу? Еднa од ретките исклучоци е Ема Томсон: "Да беа бели, поинаку ќе беше". Ај па, може ќе тргне.  

Ако до сега не сте знаеле дека сакате нож од метеор, Бордејн ќе се погрижи ова инстантно да ви се најде на листа. Боб Крамер е еден од само 122 мајстори изработувачи на ножеви сертификуван од Американското друштво за сечила, и единствен од нив кој специјализира во ножеви за готвачи. Ножевите ги прави од стопен метеор. Бордејн е кај него да го гледа.

Својата мудрост ја расфрлавме на избори, Својата храброст на измами и бедотии, На иднината ѝ ги затрувме сите извори, А поразите ги прогласивме за победи.

Десет најчести фрази на стари луѓе кои почнуваат да го учат чудото наречено компјутер.

Човеков прави сериозно многу магија со фудбалот. Целата таа магија, од минатата сезона (веројатно), набиена во неколку минути.

Дали сте доволно добри да бидете линијски судија во тенис?

Некои плачат кога мораат да читаат, други кога книгата ќе заврши. Малиов е од вториве, барем засега, додека долгата рака на задолжителната литература не му ги пресуши солзите.

Австралиска кампања за печат, за кревање свесност околу Алцхајмер.

А на мајка ниту и е гајле колкав е тој што те закача, ниту што е, ниту кој е со него. Па дури и мајката да е мачка.

Ако не пиеш ќе копаш, ако копаш ќе имаш пари, ако имаш пари ќе те сакаат жена ти и децата, ако те сакаат жена ти и децата ќе држиш говори. Не дека работите не се развиле и во спротивен правец.

Го следиме ние Deep Mind уште од мал, кога сам учеше да игра игрици. Сега е во фаза во која може да ви ван-гогизира која било фотографија од вашиот приватен албум.

И ти знаеш да возиш точак, и она знае да вози точак. Ама не е истото.