Ако сакаш мерка за тоа колку не му е сеедно, само види што е спремен да ѝ направи на сопствената кола чисто заради сеир.

Ваков трик со карти имаме видено. Ваква завршница на трик со карти немаме. Ауч!

Да не се пуши во автомобил кога во него има деца е едно од поновите, поглупите и пред сè понечовечните правила со кои живееме. Нели ви е жал?

Пред една деценија го играв Каунтер страјк. Секоја игра или победуваш или губиш; не добиваш бодови за искуство, или награди. Мислам дека треба да се запрашаме себе си зошто играме игра.

Многумина се спремни да докажуваат дека на денешните коли штедат на материјал па ги прават прелесни, со тенки шасии кои на оние четките на кар-вош звучат како лименка Кока- Кола. Пред комплетно да ве обземе носталгија по старите добри машини, да се судриме со вистината, во чело.  

Не дека нема и такви мажи кои мешаат со колкови додека одат, и затоа, ова видео е најмногу за нив. Немојте бе дечки, ќе се повредите. Анатомски не сте градени за врцкање.

Ако од видеото се гледа дека дечкото има проблем со пилата (нејќе да му запали) и ако тој проблем нема да го реши, зошто ние би ставиле ваков наслов?

Ние ја пробавме финтата и сфативме дека оваа најава побрзо и полесно ќе ја напишевме со одврзани раце.

Тек после новата тура пива што ли ќе може да направи. Ќе му влезе на Матриксот и ќе го имплодира.

Чат-пат некоја екипа од градов знае да освежи и да исфрли нешто што е нормално, модерно, пиц-пец во музичка и продукциска смисла. Уште ако се најде нов лик, ете ти радости. Андреа Коевска е од музичката орбита на Масевски и, ќе чуете, може да стане следниот вокален ѕвер на сцената. И плус спотот е цут.

Британската, австралиската, еквадорската и американската влада сакаат да ја пренесат својата благодарност за апсењето на Џулијан Асанж, и како тоа не помага никому освен лично ним.

Кинези направиле машина која се вика „Екстрактор за сперма“ која им помага на донатори на кои им е неугодно да мастурбираат по болници да го изнудат семенскиот материјал од себе. На установи продаваат по 10.000 машинчиња годишно, што не е ништо во споредба со бумот кој можат да го направат ако понудат домашна варијанта на Али Експрес.

Ние сме контент типови па резултатот баш и не нè одушеви, но, техничките перфорфманси на оваа шклопоција се импозантни. Прстен од 24 камери (Кронос 1,4) кои можат да снимат 68 гигапиксели во секунда, 720p на 72.000 фрема во секунда.

Попросто прашање веројатно и нема да чуете во скоро време, барем така изгледа додека не почнете да го гледате видеово.

Само љубоморен човек нема да се согласи дека дечките што ја направиле рекламава се вистинските херои на глобалниот маркетинг.

По системот „важно е да се учествува“, мајсторот во тракторот стварно влезе со најдобри намери во работава, и тоа треба да му се памти.

Друштво се соочува со зезнат физички проблем. Како да се протне тава ако е поголема од вратата. Пошто се инат, на крај ќе сфатат дека нелепливото дно не секогаш е предност на еден сад за храна.

„Не знам ништо за Викиликс, не ме занимало, не е тоа моја работа,“ изјави американскиот претседател за апсењето на основачот на Викиликс во Лондон, по  потерница од САД. Истите тие зе кои не знае ништо, во текот на кампањата ги има спомнато преку 140 пати.

Кој ќе помислеше дека нешто такво какво што е К-попот може да стане глобален феномен. Еден хибриден жанр со блесави песнички, инфантилни мелодии и ретард стихови, сето тоа дречаво стилизирано и просто - неиздржливо. Ама машинеријата толку го има увежбано секој детал од таа приказна (до тоа која сенка за очи за кој пазар е најдобра), што овој музички злостор веќе е станат франшиза.

Како што е ред, учителката им го спелува англискиот збор, буква по буква. Како што е ред, учителката на крај им го изговара целиот збор. Е, тоа да го дочекате.

На страна изобилието, веројатно најважно е што листата е редовно одржувана, дополнувана и прочистувана ако има потреба. Има 35 категории со алатки за дизајн, скоро и да нема нешто што е прескокнато, и секоја од нив полна со пристоен број помагала објаснети со по неколку зборови. Заслужен букмарк.

Еден од нив, заради здравствени проблеми со срцето, мораше да отиде на хируршка интервенција (промена на клапна), поради што претстојната турнеја на Ролинг Стоунс е одложена.

Да пробаш ова да го повториш нема да ти успее во 10 од 10 случаи, ама затоа што нема да пробаш да го направиш туку само ќе го гледаш, меракот е неизмерлив.

Нема причина зошто најголемиот дел од штекерите да изгледаат поразлично од ова, исто како што нема причина зошто на некој до сега не би му текнало вакво нешто и да направи богатство од ова.