Хонгкошка аукција на делото „Без наслов (жолто и сино)“ на Марк Ротко (Маркус Јаковлевич Роткович, 1903 - 1970), американски апстрактен сликар роден во Латвија. Трето најскапо продаденото дело на еден западен уметник на азискиот пазар. Ќе сфатите зошто сликата се вика „жолто и сино“ и уште повеќе, зошто било тешко да ѝ се смисли каков било наслов. Ротко сигурно викал, јас сум бре уметник, не сум копирајтер.

Користењето велосипед значи бавна економска смрт на оваа планета. Велосипедистот е некој кој не купува автомобил, не позајмува пари за да го има, не плаќа полиса за оситгурување, не плаќа за гориво и сервис, не дава денар за паркинг, не се дебелее а здравите луѓе се смрт за фармацевтската економија.... Но, почекајте до крај на оваа тирада, тие не се најлошите. Има едни бетер и од нив!

Вучиќ беше кај Стивен Сакер во фајтерскиот формат на BBC, HARDtalk. Намазан е, јасно. Особено за прашања кои се незгодни но извираат од спорна морална позиција. Прво, Англичанец после Брегзит некому да му мрчи за оддалечување од ЕУ, второ, да проблематизира твоја подршка за нечија територијална поддршка некој што ти ја бомбардирал земјата. А имаме и јак коментар.

На 15-ти април 2019-та година, целиот свет, а посебно Франција, а најпосебно Париз, беа парализирани од шок од сцената како до рушење гори фамозната катедрала Нотр Дам, стара 800 години, место во кое 28 француски кралеви беа обезглавени и нулта точка од која се мери растојанието меѓу Париз и секое друго место во Франција. Пет години и 780 милиони евра подоцна, на катедралата ѝ е вратен оригиналниот лик.

Хартиен оглас залепен за бандера со корисно инфо делче кое се кине (обично телефонски број) е еден од најстарите огласувачки методи. Овде на ливчето нема телефонски број, туку слоган за поддршка на Израел. Но, дури кога ќе го скинете, сфаќате дека огласот е 2.0. А кога ќе си ги видите прстите, сфаќате дека е 3.0.

Мајчин тој, на сите обврски и галами нашол време да лансира линија тематски гитари (електрични и акустични) на чиј врат пишува „Make Amerika Great Again“. Od 1.500 до преку 11.000 долари. Само тие најскапите со негов потпис да ги продаде, од сегашниот лагер ќе заработи околу 14 милиони долари. Само да не му најдат дека се произведени во Кина.

Украина процени дека руската хиперсонична ракета Орешник која пред неколку удри во воена локација близу градот Днепар (по што НАТО и Киев закажаа итна средба, да се види што-како да се прави), носела шест боеви глави, секоја со по шест свои експлозивни товари) и летала со брзина од близу 1.300 километри на час. Не беше толку одамна кога некој нè убедуваше дека очајните Руси земаат делови од машини за садови и фрижидери од што воената индустрија им е на бандаж.

Радио емисија во која по барање на извисената страна, им се јавуваат на оние кои биле на еден дејт, ама потоа никогаш пак не се јавиле. Му се јавуваат на дечко и налетуваат на уште полабав тип од Џеф Бриџис во Биг Лебовски. Зошто не се јавил? Затоа што девојката била преактивна за негов вкус. Што поконкретно? Му предложила да тркнат до продавница. Пешки!

Пренесовме (тука) дека двајцата најголеми хејтери на Трамп од MSNBC, Џо Скарбороу и Мајка Бжежински (ќерка на 'Д' Бжежински), после седум години лично се сретнале со нивниот архи-непријател. Според нив, тие не биле на 'баци рака' во неговиот Мар-а-Лаго, туку отворено зборувале за сите незгодни теми и во очи му кажале за што не се согласуваат со него. Трамп тоа не го памти така. 

Само да го видите ѕидот кој Египет го има изградено долж границата со Газа за да го спречи масовното доаѓање на палестински бегалци. За едни, ова е доказ дека Палестинците не ги сакаат ни „нивните“ (муслиманите), за други, ова е начин како да се спречи израелската стратегија да ја испразнат Газа од Палестинци за да може да се инсталираат "од реката до морето." Како и да е...  

Во тенисот најдобро враќал топки Новак Ѓоковиќ, но и на интернет има куп луѓе кои знаат да закопаат некого кој баш поверувал дека има пост за ас. Мала компилација од такви брутални а смешни вратки и спуштања, во моментов најчести инспирирани од последните американски избори, но и малкиу поопшти.  

После повеќегодишен пад на продажбата и тенчење на производното портфолио, Јагуар реши да мине низ масивна трансформација и да го „ре-обмисли“ брендот. Го сменија логото (хмм) и извадија промотивен спот со наслов „Не копирај ништо“ со шарени, разбудени, вибрантни и екстравагантни дечки, девојки, бинарни, флуидни и каквигод. „Вие коли продавате?“ ги праша Илон Маск. 

Со паѓањето на цените на авионскиот превоз, стандардите на таквото патување паднаа на ниво на „превоз на аргати“, од пинцурски седишта па до услуга. Последен пат кога прашавме што вино имаат, стјуардеса на Визер ни кажа дека имаат “ПРОЦЕСО“! (ваљда имаа Просеко, ама не фала, се префрливме на пиво). Дечково нашол хак како да се избегне убедливо најлошата варијанта, да седиш на средина.

Не јаделе пача зашто не им се свиѓала како изгледа (оти па брокулата една лепотица што е...). Но, ако не може да ги освои со убаво, можеби ќе ги освои со здраво. Колаген за нежна кожа, здрави зглобови и свиленкаста коса. Извор на протеини неопходни за обнова на мускулите и јакнење на имунитетот. Ниска калориска вредност, помага при варење, има минерали и витамини.... Ете, ни до ракијата не стигнавме а веќе ја засакавте.

На светот веројатно најважно му е Трамп да не прави војни наваму-натаму. На оние во Америка најважно им е да ги реши нивните проблеми со економијата, миграцијата и слично. А на оние што ги скокоткаат приказните чии опашки се влечат со години и децении, едвај чекаат да ги исполни ветувањата дека ќе ги декласифицира документите за 11 септември, атентатот на Кенеди, смртта на Епстин....

Топ демократи се уверени дека ќе влезат во историјата како херои кои го спречиле Трамп да го уништи светот, со превентивно уништување на светот за да го спречат да ја преземе функцијата, пишуваат озбилните заебанти од Бабилон Би во сатиричната вест која го коментира последниот потег на Бајден, да му дозволи на Зеленски да гаѓа длабоко во Русија со американски ракети.

Посериозните аспекти на женското гласање на последниве американски избори ги покривме во статијата „Демократите се шокираа што жените не гласаат со нивните гениталии“. Да одиме малку на тролање: „Број еден тренд на ТикТок во моментов е кога згодни, по-Трамп женски ги тролаат левичарските орки кои гласаа за Камала“.

Новиот проект на Илон Маск е туристичка агенција, со ракети, и тоа од оние што ги вежбаа за повеќекратно користење во вселената. Ќе се лета со брзина од 27.000 км/ч. Најбрзите комерцијални патнички авиони летаат некаде со околу 1.000 км/ч.

Циниците знаат да кажат дека маркетингот е цената која ја плаќаш за производот кој не ти е доволно добар. На таа линија своевремено беше и Рамбо Амадеус кој тврдеше дека на реално добрите производи не им треба рекламирање (како пример го наведуваше Т'га за југ). Ама па, од друга страна, Хенри Форд викаше дека оној што ќе сопре рекламирање за да заштеди пари е како некој кој ќе го сопре часовникот за да заштеди време. Одиме во слава на вторите.

„Демократите станаа како кралско семејство кое поради толку многу инцест, за жал, има деца кои се ретардирани. А истото може да се случи и со идеите доколку и тие се зачнати во атмосфера на интелектуален инцест. А да ги тргнете штипките од носот и да почнете реално да разговарате со другата половина од земјата?

Со лисици на раце, мајка на пар деца од една селендра во Џорџија, САД, е извадена од дома и одведена зад решетки. Се товари за родителска небрежност и негрижа. Што било? Додека таа била со едното дете на лекар, шерифот видел дека нејзиното друго дете (10 години) шетало САМО по улица. Во место од 300 жители! Бидејќи ѝ се заканува една година затвор, добила понуда тоа да ѝ го симнат од врат ако потпише дека на синот ќе му стави ГПС следач на телефонот. За неверување.

Фасцинантно поинаков поглед на тоа како функционира овој универзум кој авторитетно го опишува сер Дејвид Атенбороу. Сè на светов е електрично тело кое функционира во електричен универзум. Суптилната игра на фреквенции меѓу растенијата и пчелите го тера човек длабоко да помисли дека овде има некој мастер план кој не го разбираме.

Се вика Том Хоман и е поранешен полицаец, па еден период работи на границата, за во времето на Трамп да биде именуван за директор на ИЦЕ, агенцијата задолжена за царина и гранична контрола на САД. Ликот изгледа и звучи како да ќе ја реши американската граница до Венецуела.

Официјалната номинација за Нобелова награда на овој генијален изум ја пријавуваме под наслов: „Иновативна употреба на комерцијален ласер (light amplification by stimulated emission of radiation) за драстично проширување на неговата апликативна вредност, во случаи кога е неопходно рамномерно и пред сè праведно распоредување животворни течности“.  Што, не е јасно??