- Комитетот на Сенатот за домашна безбедност и владини работи го прогласи докторот Ентони Фаучи виновен за непочитување на Конгресот поради неговото одбивање да сведочи на сослушувањето минатата недела за неговото справување со пандемијата на ковид.
- Комитетот побара од Министерството за правда да реши дали долгогодишниот врвен здравствен функционер за заразни болести имал право да се заштитува со молчење. Ако немал, ќе биде покрената кривична пријава за дело за кое е предвидена казна од 1 до 12 месеци затвор.
- Иако беше помилуван од поранешниот претседател Џо Бајден, докторот Фаучи на минатонеделното сослушување одби да одговори на повеќе од сто прашања, повикувајќи се на правото од Петтиот против самоинкриминирање.
- „Д-р Фаучи не се соочуваше со никаков ризик од федерално гонење. Сè што требаше да направи е да ја каже вистината“, изјави сенаторот Ренд Пол, претседател на Комитетот на Сенатот.
- „Сенаторот Пол беше решен да ме натера да кажам нешто, било што, што би ги поткрепило неговите постојани ветувања дека ќе завршам зад решетки“, се правда Фаучи.
- Жителите на Сеута се „тажни, беспомошни и вознемирени“ бидејќи една недела по инвазијата на 80.000 мигранти во градот останале меѓу 3.000 и 5.000, изјави Хуан Хесус Вивас, претседател на шпанската енклава.
- „Тоа во никој случај не ни дозволува да кажеме дека нашиот град се вратил во нормала“, изјави Вивас пред европските пратеници. Ситуацијата ја опиша како окупација.
- „Приливот предизвика хуманитарна вонредна состојба од огромни размери, придружена со нарушувања на јавниот ред и висок ризик по јавната безбедност“, изјави Вивас во Брисел.
- Тој ги повика централните шпански власти да ги преземат сите неопходни мерки за враќање на нормалната состојба, вклучувајќи и итно протерување на сите кои нерегуларно ја преминале границата.
- Вивас изрази жалење за стотината луѓе што загинаа во хаосот.
- Од вонредна во трајна мерка премина рускиот режим на ограничување на пристапот до мобилен интернет само на услуги одобрени од Министерство за дигитален развој. Пристапот до интернет беше ограничен како итна мерка поради заканите од дронови спроти прославата на Денот на победата на 9 мај и се уште е на сила.
- Во јули, само 30,5% од корисничките сесии во централниот регион биле без ограничувања. Забраната е најстрога во регионите покрај границата со Украина. Заклучно со 31 јули, само околу 12% од сесиите во регионите Брјанск, Курск и Белгород биле без ограничувања. Во Москва пристапот е значително послободен – во јули 49% од конекциите функционирале без ограничувања, а во Санкт Петербург 43,9%.
- Во ограничените зони, можен е пристап само до адреси од „белата листа“, која не е ниту унифицирана ниту е јавно достапна. Ги вклучува порталот за државни услуги Gosuslugi, владините и веб-страниците за електронско гласање, социјалната мрежа и платформата за пораки Vkontakte, услугите на Yandex, и страниците на телекомуникациските оператори.
- Секој регионален оператор има посебен список на достапни сајтови. Општиот услов е да ги хостираат своите сервери во Русија и да не им дозволува на корисниците да ја кријат својата IP-адреса или да користат прокси сервери.
