Offside › Набрзинка

Селекторот на Египет: Меси е маркетиншки потег

8 July 2026

Египетската бајка на Светското заврши на најсуров можен начин. Имаа водство од 2:0 против светскиот првак до 79 минута и сепак останаа без четвртфинале, бидејќи примија 3 гола за 13 минути.
Селектор на Египет, Хосам Хасан го загуби трпението поради неколку судиски одлучи, реагираше жестото и доби жолт картон, а членовите на стручниот штаб мораа да го одвлечат од францускиот судија Франсоа Летексиер.
На крајот удри силно:
„Ова беше неправда. Се чини дека сите сакаа Меси да остане на турнирот. Меси е маркетиншки потег“, изјави Хасан.

извор

Вардар вечерва излегува на европска сцена, на „Градски“ доаѓа финскиот шампион

7 July 2026

Фудбалерите на Вардар вечерва после долго чекање конечно ќе заиграат пак во еврокуповите. Македонскиот шампион од 19 часот на „Градски“ во Скопје го пречекува финскиот првак КуПС во рамки од 1. квалификациско коло за Лига на шампиони.
Вардарци неодамна се вратија од подготовки во Италија, а со оглед на тоа што финската лига веќе е во полн ек односно одиграни се 15 кола а КуПС е прв на табела, тоа значи дека црвено-црните ќе имаат тешка задача.
Купс минатата сезона испиша клупска историја, настапи за првпат во Конференциска лига каде стигна до плејофот и тоа е нивен најголем успех во Европа.
Пренос од натпреварот ќе има на АренаМ3 Премиум. Цената на влезници е 200 денари и може да се купат тука.

извор

Се разделија Нагелсман и ДФБ, Германија ќе ја води познат шмекер

3 July 2026

По новиот дебакл на германската фудбалска репрезентација која после два Мундијали на кои испаѓаше во групи сега се посрамоти и во 1/16 финале испадна од Парагвај, очекувано селекторот Нагелсман си оди.
Германскиот фудбалски сојуз (DFB) во состав претседател Бернд Нојндорф (64), шефот на Бундеслига Јоаким Вацке (67), спортскиот директор Руди Фелер (66) и генералниот секретар на Федерацијата Андреас Ретиг (63) објави дека го раскинува договорот со 38-годишниот тренер кој беше селектор од септември 2023-та. Под негово водство Германија стигна до 1/4 финале на Евро 2024 и испадна од Светско 2026 во 1/16 финале.
Германската фудбалска федерација на барање на целокупната тамошна јавност почнува преговори со Јирген Клоп (59) кој би требал да стане нов селектор на Националмајншафт.
„Неколку дена по нашето испаѓање, многу размислував и се советував со луѓето од доверба, како лично така и во федерацијата. Оваа одлука не беше лесна за мене. Мој главен приоритет секогаш бил успех на репрезентацијата. После такво горко разочарување, тие заслужуваат шанса да почнат се од почеток. Сакам да му се заблагодарам на својот стручен штаб и сите во федерацијата кои не поддржуваа нас, посебно играчите со кои имав чест да работам.

Посебна благодарност и до навивачите. Вие не поддржувавте, верувавте во нас, ни дававте енергија во тешки времиња. Искрено ми е жал што ве разочаравме и не ви подаривме незаборавни фудбалски ноќи на ова Светско првенство. Вие заслужувате повеќе“, рекол Нагелсман по разделбата со федерацијата.

извор