- Селекторот на Англија, Германецот Томас Тухел синоќа го објави долго очекуваниот состав на Гордиот албион за Светското првенство 2026. На него ги нема Фил Фоден, Кол Палмер, Трент Александер-Арнолд и Хари Мегваер. Се враќаат повратниците Иван Тони и Маркус Рашфорд во нападот.
- Мегваер (32) синоќа напиша на друштвените мрежи: „Бев уверен дека можам да играм голема улога летово за мојата земја по сезоната која ја имав. Останав шокиран и збунет од одлуката. Нема ништо повеќе што сакам од тоа да го носам дресот на мојата земја низ годиниве. Им посакувам на играчите се најдобро летово“, напишал скршениот Мегваер за кого немаше место во репрезентацијата на Тухел.
- Мајка му Зои, погодена од списокот на мрежата Х напишала: „Апсолутно сум згрозена!“.
- Завршниот турнир во Евролига се игра викендов во „ОАКА“ Арената, домот на Панатинаикос кој нема да игра за пехарот.
- Од 22 до 24 мај за трофејот ќе се борат Олимпијакос - Фенербахче (петок од 17:00) и Валенсија - Реал Мадрид (петок 20:00).
- Во прекрасната сала која е реновирана по најсовремени стандарди а сега се вика „Телеком Арена“ најбројни ќе бидат домашните навивачи на грчки Олимпијакос кои се очекува да ја наполнат салата. Ќе има и бројни турски навивачи на Фенербахче а се очекува помалку симпатизери во Атина да имаат шпанските Валенсија и Реал Мадрид.
- Финалето е во недела вечер, а претходно ќе се одигра и дуелот за трето место на Фајнал Фор од Евролига.
- Во јавноста се уште не стивнува дискусијата за недоличното пеење на фудбалерите на Вардар кои на прослава на шампионската титула по дуелот со Струга, го навредуваа ривалот Пелистер, градот Битола и пејачката Каролина Гочева.
- Од ФФМ ги изрекоа казните за повеќето клубови поради разни испади (најчесто поради употреба на пиротехника на трибините), но соопштија и дека се води дисциплинска против ФК Вардар за скандирањето на играчите.
- Од клубот сега со допис до ФФМ и соопштение за јавноста велат дека тие не можат да бидат казнето за тоа што станува збор за случај не на официјален натпревар туку на приватна прослава.
- Вардарци потсетуваат дека нивната официјална клупска прослава на двојната круна е закажана за сабота вечер на 23-ти мај на „Школка“ во Градски парк после натпреварот со Шкендија кој почнува во 18:00 часот.
