- Ракометниот клуб Охрид ќе игра во финалето на Европскиот куп на ЕХФ против унгарска Татабања, клуб со најголем буџет на целиот турнир и клуб кој е фаворит за титулата.
- Согласно пропозициите на ЕХФ, предноста на домашен терен за реваншот во финалето (се игра двомеч) се одредува преку ждрепка. Во седиштето на Европската ракометна федерација денес во Виена имаше извлекување а Охрид имаше среќа реваншот да го добие пред своја публика.
- Првиот натпревар во Татабања се игра на 23 или 24 мај а реваншот во „Билјанини извори“ е закажан за 30 или 31 мај.
- Актуелен шампион во Европскиот Куп на ЕХФ е скопски Алкалоид кој лани по службен пат го совлада АЕК кој не се појави на реваншот во Скопје.
- И покрај огромните вложувања минатото лето, Реал Мадрид сезонава останува со кратки ракави, најверојатно без ниту еден освоен трофеј. Испаднаа во Лига на шампиони, испаднаа од третолигаш во Кралскиот Куп, а на раб се да ја изгубат и шампионската титула.
- Шпанските новинари дознале дека на еден тренинг имало закачки меѓу Рудигер и левиот бек Алваро Карерас и дека дошло и до физички напад. Португалецот на Инстаграм потврди дека имало инцидент и дека бил изолиран, се смирил и одат понатаму. Наводно Рудигер му влепил шамари на својот соиграч.
- Реал Мадрид сигурно летово ќе добие нов тренер, Алваро Арбелоа нема да остане на клупата, а екипата ја чека ремонт.
- Македонија на 29 мај ќе ја испрати БиХ на Светско со пријателски натпревар кој е веќе распродаден на стадионот во Кошево. Нашиот селектор Гоце Седлоски зборуваше за дуелот во интервју за Вјести.ба.
- „Кој ја победува Италија, може да победи секого. Верувам дека можете да направите голем резултат. Ќе биде спектакл – и така треба да биде, бидејќи играте на Светско првенство. Но, ние доаѓаме да се покажеме во најдобро светло, да одиграме квалитетен меч и публиката да ужива“
- „Се надевам дека моите зборови ќе добијат тежина по Светското првенство и дека ќе бидам во право за настапот на Босна. Ви посакуваме сè најдобро, но на Кошево сакаме да уживаме и да ве победиме“, вели Седлоски
