- Манчестер Јунајтед го потпиша најголемиот капиталец летово, високиот, корпулентен Словенец Бенџамин Шешко за 85 милиони евра со што стана вториот најскапо платен играч во историјата од поранешна Југославија. Прв сè уште е хрватскиот стопер Јошко Гвардиол за кого Сити плати 90 милиони евра.
- 22-годишниот центарфор беше цел на многу големи европски клубови, на праг беше од договор со Њукасл но кога славниот и трофеен Јунајтед пратил понуда, довчерашниот фудбалер на германски РБ Лајпциг без размислување ја прифатил и сакал да оди само на „Олд Трафорд“ и никаде на друго место.
- Минатата сезона постигна 21 гол и 6 асистенции за РБ Лајпциг. За Словенија веќе има 16 погодоци на 41 натпревар по неговото деби во 2021-ва година.
- Со шпицот Ембуемо и со полушпицот Куња се очекуваат да бидат ударни игли на нападот на Манчестер Јунајтед.
- Драгиша Савковиќ, играч на Цер од Петковица кого во неделата го погоди гром за време на натпревар, почина денеска во Ургентниот центар.
- До несреќата се случи на стадион во близина на Лозница кога гром удри на средина од теренот и го погоди Савковиќ. По неколкудневна борба на лекарите, тој им подлегна на тешките повреди.
- Некогашниот македонски репрезентативец и фудбалер на повеќе клубови, Дени Масев кој до скоро беше спортски директор на репрезентацијата е осуден на четири години затворска казна во случајот за дрога каде прв осомничен е Раде Трајковски - Штекли.
- Масев синоќа со уште тројца од криминалната група на Штекли бил изнесен на суд, ја признал вината и изречена му е пресуда од 4 години затвор.
- Некогашниот одбранбен фудбалер бил член на организираната група во која секој имал прецизна улога, од набавка до продажба на кокаин и марихуана. Дрогата се чувала во изнајмени станови а се продавала од 4.500 до 5.000 денари за грам кокаин и од 200 до 300 денари за грам марихуана.
- Масев до скоро работеше во ФФМ од каде му врачија моментален отказ. Роден е во Струмица во 1983-та. Играше за Беласица, Рад, Вардар, Металург Запорожје, Работнички, Хоризонт Турново, Анагениси Кардица.
