Вести › Набрзинка

Миљенко Јерговиќ: Ведрана Рудан и логорот Загреб

17 July 2025

Веројатно не постои ниеден општествен, политички, културен па ни приватен табу во кој Ведрана Рудан се нема залетано како разгневен багер.
Бавејќи се со табуата, таа врши неколку необично корисни општествени работи. Зборува за она за што се премолчува. Ги крши консензуалните општествени тишини, но не секогаш за да каже нешто што би изгледало етички, интелектуално или барем емоционално исправно. Таа едноставно ќе се разлае, гневно, лудо, брилијантно, како раните панкери, а после другите нека зборуваат мирно и разложно, ако знаат. Меѓутоа, обично не знаат. Или се само кукавици.
Загреб не е логор само затоа што полицијата на Независната држава Томпсон, како што ја нарекува Рудан, ги затвори граѓаните во нивните новозагрепски станови, лишувајќи ги од нивните граѓански слободи. Загреб е логор затоа што Пленковиќ, Божиновиќ и Јандроковиќ упорно тврдат дека ништо се нема случено и дека тоа биле „само три збора во песна“. Секакви работи, Пленковиќу, собира во три збора. И „Пичка ти материна“ и „Срби на врби“.
“Логорот Загреб” се оние два збора со кои книжевноста одговара на трите збора на Пленковиќ. Фала ѝ на Ведрана Рудан, големата хрватска писателка.

извор

Во Британија ќе се гласа со наполнети 16 години

17 July 2025

Од следните избори во Британија право на глас ќе имаат и тинејџерите со наполнети 16 години. Тоа ќе донесе околу 1,5 милион нови гласачи.
Границата досега беше 18 години. Шкотска и Велс веќе ја спуштија на 16 години за регионалните избори.
„Ако се доволно возрасни за да работат, да плаќаат данок и да служат војска, зошто да не можат да гласаат“, вели лабуристичкиот премиер Кир Стармер.
„Како може да гласаат, ако немаат право да склучат брак, да одат во војна или да се кандидираат на избори“, возвраќаат ториевците, кои се против одлуката.
Ќе се променат и други услови за гласање. За идентификација ќе може да послужи платежна картичка од која било британска банка. Ќе се заострат условите за донации за да се спречи мешање во изборите од странство. Сега секоја британска компанија може да донира во кампања, без оглед кога била основана, кои се сопствениците и од каде ѝ се парите.

извор

Волт во Хрватска штрајкуваат

17 July 2025

Доставувачите на платформата Волт во Хрватска за денес закажаа штрајк „поради драстичниот пад на приходите, намалувањето или укинувањето на бонусите, неподносливите услови за работа и систематските закани кон работниците кои се обидуваат да преземат колективна акција“.
Од компанијата реагираа дека жалат што дел од доставувачите се решиле на ваков чекор но дека поголемиот дел од нив се задоволни од соработката со Волт и дека слободата и флексибилноста - да работат кога и колку сакаат - остануваат клучни причини што ја избрале таа платформа.
„Работам 12 саати дневно, шест дена во неделата, соба плаќам 350 евра, скутер и гориво 500, тука се и Волт, даноци.... Знаете ли колку ми останува на крај?“, вели за Јутарњи еден од доставувачите, Индиецот Анураг.

извор