Трамп со тарифи ги брани сојузниците
10 July 2025
- Доналд Трамп воведе тарифи од 50% за увоз на стоки од Бразил, за да изврши притисок врз властите да го запрат прогонот на неговиот политички сојузник Жаир Болсонаро.
- Бразилскиот Трамп, како што го нарекуваат Болсонаро, е на суд поради планирање државен удар за да остане на власт по поразот на изборите во 2022 година.
- „Ова судење треба да го нема. Тоа е лов на вештерки што треба да заврши веднаш!“, порача Трамп на својата социјална мрежа.
- Бразил е една од ретките земји со кои САД немаат трговски дефицит. На заканата со тарифи од Трамп, која би се применувала од 1 август, претседателот Лула да Силва одговори дека Бразил ќе возврати со реципрочни мерки.
- „Постапките против оние што планирале државен удар се во надлежност на бразилското судство и не се предмет на мешање или закани што ја нарушуваат независноста на националните институции“, изјави Лула.
- Трамп синоќа најави и повисоки царини за уште седум други земји и објави дека тарифите од 50% за увоз на бакар од целиот свет ќе важат од 1 август.
