- Според новите правила за еколошки дизајн за одржливи производи, од 1 јули на пазарот на ЕУ ќе може да се купуваат само сушари за алишта со топлински пумпи.
- За разлика од традиционалните кондензаторски сушари, кои користат електричен грејач, моделите со топлински пумпи работат на принципот на рециклирање на топол воздух и важат за најефикасна технологија за сушење облека.
- Работат на пониски температури, и се за 28% енергетски поефикасни од класичните модели, според американското здружение Energy Star.
- Трговците на мало се должни најдоцна до 18 јули да ги означат овие апарати со нова енергетска ознака, која веќе се користи за други апарати за домаќинство од 2021 година.
- Новата етикети за енергија имаат појасни и полесно разбирливи ознаки од А до G без поткласи означени со плусеви.
- Хрватска и Босна се меѓу 25-те земји кои престанаа со испраќање стока во САД поради неизвесност откако администрацијата на Трамп го укина третманот „de minimis“.
- Тој третман дозволуваше пратки во вредност до 800 долари да се испраќаат со минимална документација.
- Меѓу земјите се Австралија, Норвешка, Швајцарија, како и германски ДХЛ кој објави привремено суспендирање на повеќето испораки до Америка.
- Слободни ќе бидат само пратки што содржат писмени комуникации и „подароци“ испратени од приватни лица до приватни лица, до вкупна вредност од 100 долари.
- Европска комисија предложи укинување на царините за увоз на американска индустриска стока во замена за намалени американски царини за европски автомобили.
- Ова е првиот чекор на ЕУ во спроведувањето на рамковниот договор помеѓу Доналд Трамп и Урсула фон дер Лајен, со кој Брисел прифати општа царинска стапка од 15% за да избегне трговска војна.
- Станува збор за асиметричен договор, зашто од Брисел се бара да ги намали своите царини и да купува повеќе енергеси од САД, додека Вашингтон ги задржува царините за 70% од извозот на ЕУ.
- Повеќето влади на ЕУ го прифатија договорот како нужно зло, имајќи предвид дека Трамп претходно се закануваше со 30%.
