Offside › Набрзинка

Некогашниот европски гигант Сампдорија за првпат во историја испадна во трета лига

14 May 2025

Сампдорија е италијански шампион од 1991-ва година, златно време за клубот кога го освоија скудетото со сјајните Џанлука Виали и Роберто Манчини. Екипата стигна дури и до финале на Куп на европски шампиони (денешна Лига на шампиони), но сега ги преживува најтешките денови во 78-годишната клупска историја.
Сампдорија одигра 0-0 на гости против Јуве Стабија во вторникот вечер и тој резултат значеше дека и дефинитивно се испаднати од втора во трета италијанска лига Серија Ц.
Дорија во 1994-та година го освои Купот на Италија. Во 2023-та година испаднаа од Серија А во втора лига а сега следната сезона ќе играат во трета лига.
Сезонава ја започнаа со Андреа Пирло на клупата, па го сменија со поранешниот фудбалер на Милан Алберико Евани кој не успеа да ги спаси.

38 players used, 5 different goalkeepers, 4 coaches and €millions wasted in flawed recruitment tells the story of a wretched season for #Sampdoria

Relegation to Serie C for the first time in the club’s history

This lot deserve so much betterpic.twitter.com/RLYy4ZOFT1
— Calcio England (@CalcioEngland) May 13, 2025

извор

МЗТ Скопје вечерва организира журка за навивачите

5 June 2025

Откако на убедлив начин стигна до нова, 12-та шампионска титула со што ја потврди доминацијата во последните неколку години во мак-баскетот, МЗТ Скопје реши на прав начин да им се оддолжи на навивачите кои цела сезона ги бодреа.
Клубот за вечерва, четврток од 19:00 часот пред платото на хотел „Русија“ организира дружба со навивачите. Ќе бидат изложени трите освоени пехари од сезонава: првенствениот, од Купот и од Суперкупот.
„Штрковите“ најавуваат дружба меѓу играчите и навивачите со музика, потписи, фотографии и релаксирана забава.

извор

Панатинаикос и Олимпијакос спуштија топка, финалната серија продолжува

5 June 2025

Финалето на грчката кошаркарска Суепр лига меѓу Панатинаикос и Олимпијакос ќе продолжи откако сопствениците на двата клуба секој одделно се сретнале со заменик министерот за спорт на Грција, Јанис Вруцис во средата. Јанакопулос останал 75 минути во разговор со министерот, а браќата Ангелопулос газди на Олимпијакос 125 минути.
Паднал договор серијата да си тера според предвиденото па третиот меч ќе се игра во салата на ПАО во петок на 6-ти јуни, а четвртиот натпревар ќе се игра во недела на 8-ми јуни. Во моментов е 1-1.
„Дискусиите поминаа во добра, конструктивна атмосфера. Гаранции беа дадени од двете страни во однос на финалето и за безбедноста. Сопствениците на двата клуба гарантираа дека натпреварите ќе бидат организирано беспрекорно со нивно лично присуство во арените“, рекол Вруцис.
Вториот меч го одбележа голем хаос кој го режираше газдата на Панатинаикос Димитрис Јанакопулос.

извор