- Бугарија ги доби потребните препораки од Европската комисија и од Централната банка на ЕУ за да го напушти левот како национална валута и да го користи еврото. Одлуката формално ќе биде потврдена на министерски состанок на ЕУ на 8 јули.
- Почнувајќи од 1 јануари 2026 година, кусурот и парите од банкоматите ќе бидат во евра. Цените ќе бидат променети според фиксираниот курс од 1,96 лева за 1 евро. Сумата за промена на пари нема да биде ограничена.
- „Одговорот за Бугарија е да. Но, има низа политички предизвици за бугарските власти поврзани со битката против корупцијата, независното судство и ефикасноста на јавната администрација“, изјави претставникот на Европската комисија, Масимо Суарди.
- Спроти објавувањата на препораката во Софија протестираа неколку стотици луѓе со транспаренти „Не за еврото“ и „Го избираме левот“. Анкета на Евробарометар во мај покажа дека 50% од Бугарите се против прифаќање на еврото.
- На монетите од 1 евро што ќе се коваат во Бугарија ќе има 12 ѕвезди и натписот „БЪЛГАРИЯ“, а на оние од 2 евра натписот „БОЖЕ ПАЗИ БЪЛГАРИЯ“ (Боже чувај ја Бугарија). Реверсите ќе бидат позајмени од левовите и стотинките: Мадарскиот коњаник, Св. Иван Рилски и Св. Пасиј Хилендарски.
- Концентрацијата на богатството кај мала група луѓе во 27 земји од светот го надминала нивото во кое 0,1% од возрасната популација поседуваат повеќе од најсиромашните 80% од жителите.
- Јазот е најдлабок во Русија, а најмалку е изразен во Словачка.
- Македонија според оваа класификација е меѓу земјите со порамномерна распределба на богатството.
- Јужна Африка нуди впечатлив пример за тоа колку можат да бидат трајни овие разлики. Студија што го опфаќа периодот од 1993 до 2017 година покажа дека немало трајно намалување на нееднаквоста во богатството по крајот на апартхејдот.
- Разговорите на администрацијата на Трамп со Русија за крај на војната во Украина се проширија со нафтен договор вреден повеќе милијарди долари, од кој би профитирале деловни луѓе од Блискиот Исток поврзани со двајцата главни американски преговарачи, Стив Виткоф и Џаред Кушнер.
- Договорот се однесува на голем број нафтени полиња, рафинерии и бензински пумпи ширум светот во сопственост на „Лукоил“, една од најголемите руски енергетски компании.
- Откако администрацијата на Трамп лани воведе санкции против „Лукоил“, компанијата реши да го продаде својот имот во странство. Министерството за финансии на САД дисквалификува неколку потенцијални купувачи на „Лукоил“.
- Сега е договорено имотот да биде продаден на група во која учествува инвеститорот Тод Боли, кој донирал 2 милиони долари за политичките цели на претседателот Трамп, на две групи од Блискиот Исток кои соработувале со Кушнер или Виткоф, како и еден огранок на американската влада.
- На средбата со Виткоф и Кушнер во Кремљ на 5 септември, Путин предложил договорот да се реализира „како начин да им се покаже на Русите дека можат да соработуваат со САД“. Виткоф и Кушнер имале директна улога во преговарањето за финансиските услови, за да се обезбеди „значителна авансна исплата и удел за САД во добивката“, пишува Њујорк тајмс.
