Мина еден век од раѓањето на неколкумина македонски книжевни мајстори, речиси врсници: Славко Јаневски (1920), Блаже Конески (1921), Коле Чашуле (1921) и Ацо Шопов (1923). Ваквата појава, неколку значајни автори да се родат во толку збиен хронолошки миг, е редок и за поголеми книжевности.
Согласно нивните функции во книжевниот и социјалниот живот тие можат да се толкуваат преку фигурите на Трибунот, Кловнот, Хронистерикот и Поетот-номад. Тоа ги подразбира спецификите на нивното дело, но и начинот на кој се поставувале кон сопствената општествена улога, особено во однос на власта.
Чест е, и среќа, за една национална книжевност да слави 100-годишнина од раѓањето на четворица автори од ваков ранг, чии дела се ослободени од провинцијализам, пишувани на македонски јазик но со универзален карактер.
Наташа Атанасова (blen.mk) и Марија Павлеска (@mama_mi_chita) го започнаа книжевниот подкаст ЧИТКАСТ.
Во првата епизода низ игрив дијалог се покриваат куп теми, меѓу кои: Книга, киндл или аудиокнига?; Три книги со најголемо влијание на нивните животи; Една книга што би ја спасиле при пожар; Како бираат што читаат? итн.
Данскиот музички состав ЕФТЕРКЛАНГ ќе оджи концерт на отворено во културниот центар Паблик рум на 1 мај. Настанот, кој е замислен како “пикник – концерт” ќе започне во 14 часот.
ЕФТЕРКЛАНГ е дански бенд составен од три пријатели од детство, Мадс Браусер, Каспер Клаусен и Расмус Столберг. На 27 септември 2024 година го објавија нивниот 7 студиски албум насловен како “Things We Have In Common” со што ја започнаа својата светска турнеја.
Документарниот филм, “Efterklang: The Makedonium Band” (за кого во Букбокс пишувавме тука) беше премиерно прикажан во рамки на фестивалот “CPH:DOX” во Копенгахен, додека домашната премиера се реализираше во рамките на минатогодишниот филмски фестивал Синедејс.
