- „Армагедон“ и „Длабок удар“. „Мравки“ и „Животот на инсектите“. „Мисија на Марс“ и „Црвената планета“. Ова е само дел од големиот број филмови кои се појавиле еден по друг, па дури и истовремено, направени од конкурентски студија.
- Како е ова можно кога Холивуд не е толку голем, секој знае што прават другите, а филмовите кои чинат милиони долари често се прават со години. Па сепак во 1987-1988 се појавиле дури четири (!) комедии од жанрот „промена на тело“ („Повторно 18!“, „Vice Versa", „Каков татко таков син“ и „Биг“).
- Ова од бизнис аспект секако не е паметен чекор. Од сите овие филмови еден ќе стигне до врвот (во случајов „Биг“ со Том Хенкс) а останатите ќе бидат заборавени. Но ова е така само на краток рок. Долгорочно, гледачите заинтересирани за одреден жанр немаат ништо против да гледаат верзии на една те иста приказна, колку и да е сличноста очигледна. Список на таквите „близначни“ филмови на линкот.
- Како најава на нова архитектонска публикација „Артемушкин и Скопје“, која го истражува творештвото на еден од најголемите градители од периодот меѓу двете светски војни, авторите Ноеми Чаусидис и Мартин Ефремовски нудат уникатна прошетка низ нејзината содржина.
- Настанот ќе се одржи оваа сабота – 16-ти ноември, во 12:00 часот, и ќе започне од фонтаната Лотус на влезот во Градскиот парк.
- Ќе бидат посетени познатите палати Рубен, Бојаџиеви и Арапска куќа, но исто така ќе се откријат и помалку познати примери од творештвото на Артемушкин кои често ги игнорираме во секојдневниот живот низ Скопје. Регистрација е обврзна, на линкот.
- „Орбитал“ на британската авторка Саманта Харви, е романот којшто ја доби престижната Букерова награда за проза за 2024.
- Станува збор за приказна за шест фиктивни астронaути (мажи и жени) на Меѓуародната вселенска станица кои во текот на едено деноноќие искусуваат 16 изгрејсоцна и 16 зајдисонца. Таа е опишана како „медитација за Земјата, убавината и човечките копнежи“.
- Со само 136 страници, „Орбитал“ е втора најкратка книга која ја добива оваа награда. Таа е за четири страници подолга од „Крај брегот“ на Пепелоп Фицџералд, која доби Букер во 1979.
