- Еминентната новинарка, писателка и антрополог на современата американска култура, почина во својот дом на Менхетен на 87 години од последици на Паркинсон.
- Единствена женска фигура во „новото новинарство“ во кое доминираа Том Волф, Труман Капоти, Хантер С. Томпсон и Гej Taлиз, таа беше позната по својот дистанциран, понекогаш елегичен тон кога зборуваше за теми како отуѓеност и изолација. Најтрогателни се нејзините книги посветени на починатиот сопруг Џорџ Грегори Дјун (The Year of Magical Thinking), којашто во 2005 влезе во најтесен избор за Пулицер, и „Тажни ноќи“ (Blue Nights) посветена на ќерката Квинтана која почина две години подоцна на 39 години од акутен панкреатитис.
- Единствен автор којшто го наведувала како инспирација бил Хемингвеј, а за својот начин на пишување велела дека „граматиката е пијано кое го свири по слух“.
Фото: EpaImages
- Мистериозниот графити уметник, чиј идентитет се чува во тајност со децении, е тема на истражувачки текст на Ројтерс. Тој нè води од Хоренка, бомбардирано село во Украина, преку Лондон до Њујорк, земајќи предвид претходно необјавени американски судски досиеа и полициски извештаи, како и изјава на поранешна партнерка која била во врска со уметикот четири години пред тој да „транзитира“ во Бенкси. Истовремено, се гео-лоцираат објекти од мемоари и изјави на негови соработници.
- Трагата на сите овие извори упатува на Робин Ганингам, роден во Бристол во 1973, кој некое време го користел името Дејвид Џонс.
- Најинтересен дел е анализата на економската позадина на работата на овој уметник. Централна улога во системот има организацијата Pest Control, основана во 2008 година, која практично го регулира пазарот - ги автентицира неговите дела и одлучува кој ќе биде првиот кој ќе има шанса да ги купи оние најновите. Зад мистериозната јавна слика на уличен бунтовник oттаму постои добро организиран и профитабилен уметнички бизнис, кој сепак останува нетранспарентен и силно контролиран.
- Во исто време, анонимноста на Бенкси и неговата критика на капитализмот создаваат парадокс: уметност која го критикува пазарот e дел од глобален и многу профитабилен уметнички пазар.
фото: EpaImages
- Jирген Хабермас, германскиот филозоф и социјален теоретичар поврзуван со тн. Франкфуртска школа, почина на 14 март 2026 година на 96-годишна возраст во Штарнберг, близу Минхен. Тој се смета за еден од највлијателните филозофи на доцниот 20 и почетокот на 21 век, чие дело ги поврзува филозофијата, социологијата и политичката теорија.
- Најпознат е по својата теорија за комуникацијата и рационалноста во модерното општество, особено по двотомното дело „Теорија на комуникативното дејство“. Роден со расцеп на непцето, како дете поминал низ повеќе операции. Ова искуство подоцна влијаело врз неговите размислувања за јазикот и комуникацијата. Хабермас често нагласувал дека говорниот јазик создава заедничка основа без која луѓето не можат да постојат како општествени суштества, но и дека пишаниот јазик може да ги прикрие слабостите на говорот.
- Во текот на својот долг и плоден авторски живот активно се вклучуваше во јавни политички дебати во Германија и Европа ставајќи се на страната на демократијата, заштитувајќи ги мигрантите а спротивставувајќи се на радикалната десница. Со тоа тој стана еден од најзначајните интелектуални гласови во германскиот јавен живот. За многумина неговото заминување означува крај на една ера.
