- Во хрватски превод на епизодата број 571 на култниот Алан Форд, насловена „Лудост“, јунаците решаваат интриги во измислената европска микродржава Баронство Баварија, која е слична на Кнежевството Лихтенштајн. Во еден момент, еден од ликовите, со цел да натера локален поп – пијаница да соработува, му нуди поткуп со шише – „вино од Тиквеш“.
- Епизодата во Италија за прв пат била објавена во јануари 2017 година, по сценарио на Макс Бункер и со цртеж на Дарио Перука. Од пред неколку дена увезеното издание е достапно и во одделни македонски продажни места.
- Може да се очекува дека во оригиналното, италијанско издание се реферира на некое сосем друго вино, бидејќи една од тајните на долгогодишната популарност на овој стрип, уште од првобитното издание на „Вијесник“ од Загреб (1971), е креативниот превод, кој не се држи слепо до оригиналниот текст. Во изданието не е достапна информацијата дали станува збор за реклама или едноставно за пофалба на македонското вино и прилагодување на вкусот на читателите и винопијците од регионот.
- В сабота на 25 мај, во Младинскиот културен центар ќе се одржи концерт по повод 25-годишнината од активната работа на рок групата Културно уметнички работници – К.У.Р.
- Јубилејот ќе биде одбележан и со публикување на новата плоча со наслов „25 мај“, која претставува концертен албум со „бест оф“ материјал на бендот, снимен во живо на 25 мај 2021 година во Кино Фросина во МКЦ.
- Во својата 25 годишна кариера, К.У.Р. имаат објавено шест студиски албуми, еден анплагд албум, а концертниот албум „25 Мај“ ќе биде нивно прво издание објавено и на плоча. Покрај тоа, сите изданија на бендот се дигитално објавени и може да се преземат од платформата Бендкамп, а може да се преслушуваат и на сите останати стриминг платформи. На концертот бендот ќе се претстави со двочасовен сет и репертоар од сите нивни изданија.
- Во вторник (21 мај) со почеток во 12 часот, во Градската библиотека „Браќа Миладиновци“ – Скопје ќе биде промовирано делото „Дни, години“ од Димитар Башевски, добитник на наградата „Браќа Миладиновци“ за најдобра поетска книга за 2023 година според Струшките вечери на поезијата.
- Како што информираат од библиотеката на промоцијата во спомен-собата „Т’га за југ“ за „Дни, години“ ќе говори Иван Додовски, а стихови ќе интерпретира актерот Андреј Серафимовски.
- За претходно интервју со Башевски тука.