- Документарниот филм „Сета убавина и крвопролевање“ го доби Златниот лав за најдобар филм на 79-тиот меѓународен филмски фестивал. Тој го следи животот на фотографката Нан Голдин и нејзината кампања против фармацевтската династија Саклер, која е во голема мера одговорна за епидемијата на опиоиди. Портас претходно доби Оскар за својот документарец „Ситизенфор“ посветен на Сноуден.
- Документарец во Венеција претходно се закитил со високото признание само еднаш, пред девет години, кога фестивалот прв пат вклучи филмови од ваков жанр во главната натпреварувачка програма - „Сакро ГРА“, за животите на луѓето кои живеат близу автопатот кој го обиколува Рим.
- Кејт Бланшет и Колин Фарел ги добија наградите за најдобри актери. Бланшет победи за улогата на познатата диригентна во филмот „Тар“ на Тод Филд, а Фарел победи за улогата во филмот „Самовилите од Инишерин“ на Мартин Мекдона.
- Лука Гуадањо го освои Сребрениот лав за најдобра режија за „Коски и сè“, со Тимоти Шаламе и Тејлор Расел во главните улоги, која ја освои и наградата за најдобрата млада актерка. Жирито ја додели и Специјалната награда на жирито на филмот „Без мечки“ на иранскиот режисер Џафар Панахи.
- Третото издание на меѓународниот фестивал на деветтата уметност „Стрип Трип“ ќе се одржи од 6 до 8 јуни 2025 година во МКЦ. Главен гостин на фестивалот е реномираниот стрип-автор Рајнхард Клајст од Германија кој е познат во светски рамки со графичките биографии за Дејвид Боуви, Ник Кејв и Џони Кеш (Букбокс осврт тука), како и графичките романи „Боксерот“ (Букбокс осврт тука) и „Олимписки сон – приказната за Самија Јусуф Омар“.
- Клајст ќе настапи на „Стрип Трип“ со изложба, панел дискусија, цртачка сесија, како и уникатен цртачки перформанс со музичка придружба од Мартин Џорлев, Виктор Стојановски и Марко Печеновиќ. Меѓународни гости на фестивалот се и реномираните стрип-автори Марко Дјешка од Хрватска, Марко Стојановиќ од Србија и Гани Сундури од Косово.
- Македонски претставници на „Стрип Трип“ се Александар Сотировски, Смиле Цветановски, Давор Драмиќанин, Наташа Андонова, Филип Алексовски, Матеј Богдановски, Симон Калајџиев и Стефан Николовски. Дополнително, на писателот и теоретичар Томислав Османли ќе му биде врачена наградата „Македонско стрип наследство“ со која се препознава неговиот придонес кон македонското стрип творештво. Во текот на фестивалот ќе бидат објавени и победниците на конкурсот за најдобар краток стрип.
Целата програма тука
- Стотина изданија – монографии и зборници за македонскиот стандарден и дијалектен јазик, збирки стари текстови, речници, меѓу кои Тријазичникот на Ѓорѓија Пулевски, книгата „За македонцките работи“ на Крсте Мисирков, Абецедарот објавен пред сто години во Атина – се достапни во електронска форма на веб-порталот Дигитални ресурси на македонскиот јазик, креиран од Истражувачкиот центар за ареална лингвистика (ИЦАЛ) при МАНУ.
- Веб-порталот беше презентиран денеска (28.5.) во МАНУ, во рамки на промоцијата на „Македонски дијалектен атлас (од ризницата на картотеката лексички материјали)“.
- „Јас не можам да апелирам МАНУ да вработи информатичар, тоа е исто како да се побара астронаут да биде примен. Претседателството се обидува на разни начини и поентата е дека успеавме од тоа што ги имавме на тврди дискови да обновиме и да го поставиме на надворешен сервер, комерцијален, но сепак да си стои сето тоа под МАНУ“, изјави на настанот академик Марјан Марковиќ, одговорен за проектот.
