Големите писатели се такви затоа тоа што се способни да го освежат јазикот на кој пишуваат со нови, дотогаш непознати или малку користени зборови, да им вдахнат живот, и да ги внесат во главниот тек на секојдневната употреба. За Џефри Чосер и во текот на неговиот живот се знаело дека имал ваков талент, чии плодови англискиот - и не само тој - ги ужива и денес.
Облакот покажува некои од зборовите кои се негов придонес кон јазикот, како womanhood (женскост, женственост), sluttish (курвински), crude (сиров, груб) и уште голем број други зборови кој „сировиот вујко" на англиската поезија ги популаризирал. Меѓу нив е и twitter, кој како глагол според него означувал „испуштање нежни тонови“, континуирано црцорење на птица. Да знае за какви тролања, а не „нежни црцорења" се користи терминот, можеби би си го повлекол зборот.
Чосер е заслужен за прва употреба во литературата на околу 2,000 англиски зборови, од кои половината се заемки од француски или латински, а останатите се негови кованици, базирани на постоечки англиски зборови.
Освен по креативноста во зборообразувањето, Чосер е познат и по луцидни изреки како „Љубовта е слепа" или „Времето и плимата не чекаат никого". Пробајте пуштете ги на Твитер, во негова чест.
