Во 1936, документ на Њутн датиран околу 1662 бил продаден на аукција на Сотби и завршил во Музејот Фицвилијам во Кембриџ, Англија. Таканаречениот Фицвилијамовски ракопис (имено, спомнатиот документ) e извор на фасцинација за истражувачите на Њутн, бидејќи содржи и загатки кои се уште не се разрешени.
Но она што го прави документот навистина интересен е колку е интимен. Њутн во него вметнува и список на гревови кои ги има извршено во текот на својот релативно краток живот - имал околу 20 кога го составил и се уште студирал на Кембриџ. Списокот е поделен на два дела, седум недели пред Велигден 1662 и по ова (зошто токму ваква поделба, не е сосема јасно).
Некои од гревовите се прилично необични и повеќе кажуваат за самиот Исак и неговото сфаќање на тоа што е погрешна постапка отколку што асоцира на некаква религиска доктрина. Помеѓу 57-те ставки се и:
- Отворено користење на зборот „Бог“
- Правење стапица за глувци на Неговиот ден (веројатно се мисли на денот недела)
- Јадење јаболко во црква
- Крадење цреши од (некој) Едвард Сторер
- Одрекување дека го сторил тоа
- Удирање на сестра му
- Крадење сливи и шеќер од кутијата на мајка му
- Неживеење според сопственото убедување
- Алчност
- Користење нечија туѓа крпа за да остане чиста неговата
Навистина изгледа дека Њутн бил престрог кон себе. Еве од нас нека му е простено.
