Секое 12-то дете на островот е недоволно исхрането. Тоа значи дека во секоја училница постојат две до три деца со овој проблем.
Најголем процент на преслаби деца има меѓу 9 годишните. На 16 годишна возраст процентот опаѓа и изнесува 6% но историски и тоа е загрижувачки податок бидејќи во 1979-та година, на оваа возраст имало само два процента недоволно исхранети млади.
Хроничниот дефицит на тежина, според експертите, е посериозен проблем отколку да се има вишок килограми.
Појавата е почеста кај девојчињата кои под притисок на околината и медиумите, страхуваат да не станат дебели и како такви, предмет на подсмев.
Неисхранетоста предизвикува остеопороза, го слабее имунолошкиот систем и на долг рок создава срцеви проблеми.
Се проценува дека и самите доктори не се доволно обучени да го препознаат овој проблем поради општото верување дека тоа е гајле на третиот свет и дека една ваква богата и развиена земја не може да има сериозен проблем со недоволната исхранетост.
