Корона падна жртва на коронавирусот

Речиси 40% од Американците што се сметаат за пивопии не купуваат Корона пиво од страв од коронавирусот, покажува нова анкета.

Овие што бојкотираат изјавуваат дека под никакви услови сега не би купиле Корона, меѓутоа утеха за пиварата е дека од луѓето што изјавиле дека редовно пијат Корона само 4% изјавиле дека ќе престанат да ја пијат.

Околу 14% изјавиле дека не би нарачале Корона на јавно место.

Инаку, 16% од испитаните пивопии се збунети околу тоа дали Корона пивото има некаква поврзаност со коронавирусот.

Ваквото расположение меѓу Американците независно го поткрепува и една нова интернет статистика според која периодов има константен раст на пребарувањата “corona beer virus” и “beer coronavirus”.

Корона е третото по популарност пиво во САД.

28 февруари 2020 - 10:04