Водечкиот европски институт за јадрено истражување ја завршил повеќегодишната физибилити студија на својот амбициозен проект Future Circular Collider (FCC).
Овој планиран наследник на Големиот хадронски судирач (LHC) би имал обем од 91 километри, повеќе од три пати поголем од сегашниот LHC. ЦЕРН се надева дека идниот кружен судирач ќе одговори на некои од најголемите прашања во модерната физика, вклучувајќи ја и природата на темната материја, својствата на Хигсовиот бозон и асимeтrијата меѓу материјата и антиматеријата.
Во физибилити студијата учествувале над илјада научници и инженери од целиот свет, кои ги испитувале техничките, финансиските и еколошките аспекти на проектот.
Предложениот судирач ќе биде изграден во две фази: првата фазаќе се фокусира на прецизни мерења на Хигсовиот бозон и другите клучни честички со помош на судири на електрон-позитрон. Втората фаза предвидува судири на протон-протон со импресивна енергија од 100 TeV, што е речиси десет пати повисока од сегашните можности на LHC.
Проценетата цена на првата фаза е 15 милијарди швајцарски франци, а изградбата би можела да започне на почетокот на следната деценија. Втората фаза би можела да почне да функционира некаде по 2070 година.
Само здравје да се има.
