The Silly Walks Song (ја имате подолу) е првиот оригинален материјал на Пајтоновци по 1999-та година. И е супер ствар, музички во духот на Every Sperm is Sacred a видеото чиста гилијамовштина.
Во меѓувреме, што се случуваше?
Последниот ноември објавија дека планираат повторно да се состанат. Очекувано, добиле понуди од цел свет.
Но, тоа се зафатени луѓе па решаваат да закажат едно шоу во лондонската О2 арена.
Сите билети се продаваат за 43,5 секунди.
Додаваат уште 9 шоуа и сите се распродадени додека си рекол "Ни!"
"Не можеме веќе да вклопиме дополнителни датуми во нашите распореди," им порачуваат на фановите закажувајќи го последниот термин на кој ќе настапат заедно во живо.
"Ќе мора да ни верувате дека е тоа нашето последно појавување," вели Мајкл Палин. "Бидете таму, или не бидете таму ако нејќете".
Датумот е 20-ти јули, 2014-та, во O2.
Билетите чинат од 25 до 75 фунти и се продаваат ТУКА.
Еве ја и песната:
