Калед ал Асад одбива да ја открие локацијата на скриеното богатство и непроценливите антиквитети на Палмира кои неговата екипа ги открива и сокрива на безбедно место пред доаѓањето на ИСИС.
Обезглавен е пред толпа народ, пред музејот во кој работел 50 години и ги водел истражувањата на извонредно богатите локалитети на Палмира.
ИСИС го обвинува дека е неверник кој ја претставувал Сирија на еретички конференции, дека бил директор на идолатријата во Палмира, дека го посетувал еретичкиот Иран и одржувал комуникација со сопствениот брат кој бил припадник на сириските безбедносни сили.
Откако го обезглавиле, телото му го закачиле на семафор. Зборувал пет живи и шест антички јазици. Неколку европски држави му имаат понудено азил и засолниште, но Асад одбил да ја напушти Сирија.
