Калифорнискиот старт-ап Тактус разви фолија со проѕирни копчиња кои би се кревале на екранот секогаш кога ќе треба нешто да се напише, а потоа повторно би ги снемувало. Кога копчињата нема да бидат активни, површината би изгледала како регуларен екран на допир.
Од Тактус објаснуваат дека фолијата зафаќа исто место како и проѕирното стакло на сегашните екрани на допир.
Освен редовните платформи (телефони и таблет компјутери), технологијата би можела да се искористи и за далечински управувачи или па за музички инструменти.
Луѓето што го смислија ова објаснуваат дека нивниот изум функционира исто како и сегашните екрани на допир и дека нема да треба да се прават промени на сензорите што се користат во телефоните.
