Штрајкот со глад во Гванатамо Беј го започнаа неколкумина затвореници како протест против чуварите кои, според нив, намерно го сквернавеле Коранот.
Сето ова време им се придружуваат нови штрајкувачи и во моментов преку половина од 166-те жители на овој затвор одбиваат храна.
А "жители" е сосема соодветен збор за нивниот статус бидејќи некои од нив повеќе од една деценија се затворени без да добијат судски процес па дури и без да биде подигнато обвинение против нив.
17 од најкритичните штрајкувачи се хранат на сила а управата соопштува дека тие постојано се обидуваат да го подобрат односот меѓу чуварите и затворениците.
Барак Обама уште од 2007-ма, кога беше сенатор од Илиноис, ветува дека ќе го затвори Гвантанамо. Вака изгледа редоследот на неговото 6 години неисполнето ветување.
