Што е пострашно, Русија на Путин или СССР?

Во една изјава од деновиве Обама го закачна Путин по најболното порачувајќи дека "Русија е регионална сила која им се заканува на соседите, не од што е моќна, туку заради слабост." (Целиот чатал од изјавата се издиша следниот ден кога Обама им се с’сна на европските членки на НАТО дека малку трошеле на војска.)

"Коментарите на Обама ги отсликуваат спротивставените пораки што ние ѝ ги испраќаме на Русија. Овие пораки иритираат дел од Русите, кои тврдат дека САД се уште ги третира како Студената војна да не е завршена, и покрај сите промени кои се случија во Русија," пишува Вашингтон Пост.

Прашањето на весникот е дали денешна Русија треба да се третира со ист страв како и Советскиот сојуз. Според бројките што тие ги имаат, по распаѓањето на СССР, Русија останува со само дел од некогашната армија. Она што малку ги вади од памет е што Русија и понатаму го има најголемиот нуклеарен арсенал на светот -12.000 наспроти 5.325 (на САД и НАТО заедно).