Кога белци прават нереди за глупости

Иако белата страна на Америка од чиста политичка коректност генерално се прави дека го разбира гневот на црнците во Фергусон и околу Фергусон, главниот издувен вентил за нивното незадоволство е - аман не бидете дивјаци и да кршите кај што ќе стигнете.

По повод ужасувањето од немирите и уништувањето од протестите, Твитер корисникот @red3blog направи список од настани кои до сега биле искористени како основа за немири и уништување.

- Хафингтон бич, после натпревар во сурфање

 

- Денвер 2014-та, заради пораз во НФЛ

 

- Сан Франциско, заради победа во бејзбол

 

- Ванкувер 2011-та, заради пораз во хокеј


- Кин, Њу Хемпшир, заради тикви (буквално тикви)

 

- Тенеси 2010-та, затоа што Лејн Кифин повеќе нема да биде тренер на универзитетскиот тим во американски фудбал

 

- Пенсилванија 2011-та, затоа што некој ја изгубил својата работа бидејќи игнорирал сексуална злоупотреба на деца

 

- Лексингтон, Кентаки, затоа што кошаркарски тим победил на натпревар

 

- Бостон 2004-та, затоа што бејзбол тим победил на натпревар

 

- Западна Вирџинија, 2014-та, затоа што локалниот тим во американски фудбал неочекувано победил на натпревар од регуларната сезона

 

- Чикаго 1979-та, затоа што диско

 

Освен во Фергусон, протести и судири со полицијата има и во Њујорк, Филаделфија, Вашингтон, Балтимор, Бостон и речиси низ целиот Источен брег на САД (каде што се најконцентрирани), плус остатокот од земјата.

Протестите започнаа вчера кога големата порота одлучи дека не треба да се покренува судска постапка против полицаецот што го уби Мајкл Браун, и дека тој постапил во согласност со правилата за работа и обуката што ја имал.

26 ноември 2014 - 11:33

Штета ако сте пропуштиле

Сè е во нејзини раце

Антибиотиците не морало да се пијат до крај

Наскоро ќе одите на нотар пред да се залапате

Краткотраен обид да се наруши угледот на нашиот лидер