![](/files/styles/780px/public/vesti/2022/04/28/352547-evropa-go-finansira-putin.png?itok=-gh_TzZC)
Русија заработила околу 66 милијарди долари од продажба на фосилни горива за два месеца откако нејзините сили првпат влегоа во Украина.
Извештајот на Центарот за истражување на енергија и чист воздух укажува дека Русија речиси ги удвоила своите приходи од продажба на нафта, гас и јаглен откако руските сили ја започнаа инвазијата на 24 февруари. Приходите од извозот на фосилни горива се клучен финансиер на воената операција и останатите функции на државата.
Студијата покажува дека Европската унија купила 71 отсто од руските фосилни горива преку пратки и цевководи од Русија.
Германија увезла повеќе од која било друга земја, енергенси за околу 9,1 милијарди евра. Италија е следниот најголем руски клиент со 6,9 милијарди евра, следува Кина (6,7 милијарди евра), Холандија (5,6 милијарди евра), Турција (4,1 милијарди евра) и Франција (3,8 милијарди евра).
Европа сепак ќе мора да го намали увозот бидејќи Русија најави прекин на испораките за Полска и Бугарија. Газпром тоа го објасни со одбивањето на овие две земји членки на НАТО и ЕУ да плаќаат во рубљи.