Концертот „Македонски сновиденија“, одржан во рамките на фестивалот Охридско лето, покажа дека македонските фолклорни мотиви можат да добијат нов живот и да прозвучат модерно, урбано и светски.
Предводен од диригентот Владимир Николов, оркестарот изведе нови аранжмани на македонски народни песни и оригинални композиции инспирирани од богатата домашна музичка традиција. Секоја композиција носеше различна емоција, но заедничката нишка беше јасна , длабока почит кон корените и храбар поглед кон современата музичка сцена.
Посебни реакции предизвика изведбата на „Билјана платно белеше“, преработена во нов џез-аранжман од Гордан Спасовски. Нумерата беше создадена по иницијатива на А1 Македонија, генерален спонзор на Охридско лето и покровител на концертот.
На сцената настапи и специјалниот гостин Питер Сомуа, трубач од Гана и добитник на престижната Edison Jazz Award, кој со својата енергија и оригинален звук дополнително ја збогати вечерта.
„Македонски сновиденија“ покажа дека кога традицијата ќе се поврзе со креативност, врвна уметност и современ музички израз, резултатот е доживување што ја надминува сцената. Горди сме што како генерален спонзор на Охридско лето поддржуваме проекти што го афирмираат нашето културно наследство и го доближуваат до нови генерации и нова публика. Токму тоа за нас значи вистинска културна врска”, изјави Бранкица Толевска, раководител на оддел за бизнис-трансформација, корпоративна стратегија и корпоративни комуникации во А1 Македонија.
Концертот на Долни Сарај беше уште една потврда за квалитетот и меѓународниот потенцијал на Националниот џез оркестар, кој со своите настапи во Виена, Прага, Будимпешта и Брисел веќе изгради препознатливо место на европската музичка сцена.
Охридската публика доби вечер исполнета со емоции, врвна музика и енергија која долго ќе се памети.
(Комерцијален текст)
