По извлекувањето на ждрепката за женската, во Данска беа извлечени и групите за новата сезона и во машката Лига на шампиони која стартува на 21 септември.

Македонскиот репрезентативец Дејан Манасков на својот Фејсбук профил објави дека се враќа во Бундеслигата и ќе игра во Рајн Некар.

Ракометарките на Вардар ниту трет пат по ред не успеаа да се пласираат во финалето на Лигата на шампионите. Вардарки беа огромен фаворит, но загубија од дебитантот на Ф4, Букурешт 27:21.

Ракометарите на Вардар дрско му се заканија на унгарскиот гигант и се обидоа да испишат историја, но играта и резултатот во првите 30 минути не беа доволни за сензација и пласман во фајнлфор. Македонскиот шампион имаше +4 на паузата, но на крајот ремизираше.

Ракометарите на Вардар не успеаа да го добијат тврдиот противник и со посакувана победа да патуваат на реваншот од четвртфиналето во Лигата на шампионите. Унгарскиот состав со гранитна одбрана и големо искуство го освои Јане Сандански.

Ракометната треска во четвртфиналето од Лигата на шампионите стартуваше околу два часа пред мечот во фан зоната пред салата Јане Сандански. Навивачите на Вардар и Веспрем заедно се во исчекување на првата голема пресметка која се надеваме дека ќе ја добијат црвено - црните.

Ракометарите на Веспрем ја одбранија титулата во СЕХА лигата, откако вечерва беа подобри од Вардар во првата од трите предвидени борби меѓу овие два големи ривали кои ќе се судрат и во четвртфиналето од ЛШ.

Вараждин овој викенд е домаќин на фајнлфорот во СЕХА лигата која се игра петта година по ред. Загреб и Веспрем имаат по една титула, а македонскиот првак атакува на трета. Манасков и Стоилов се обратија за овој настан преку јутјуб каналот на СЕХА лигата.

Во сите три стандардни категории во неделниот избор на ЕХФ има по еден ракометар на Вардар кој три сезони по ред е меѓу најдобрите 8 во Лигата на Шампионите. Арпад Штербик на една минута до крајот ја направи клучната одбрана за победа која е прогласена за најдобра, Алем Тоскиќ со 8 од 8 е избран во тимот на колото, а меѓу петте најубави гола влезе и оној на Шишкарев.

Петар Ангелов - Диви, еден од најдобрите голмани во историјата на македонскиот ракомет преку својот Фејсбук профил објави дека ја завршува репрезентативната кариера.

Безидејноста на Вардаровите играчи синоќа ги присилуваше кога е најтешко топката да му ја дадат на ветеранот Тоскиќ, кој буквално сам се бореше со цела противничка одбрана и во таква ситуација даде 8 голови. Србинот од следната сезона ќе настапува за словенечкиот тим Горење.

Два црвени картони, врвен ракомет, многу промени во резултатот, ерупција во Јане Сандански и Вардар во четвртфиналето од Лигата на шампионите е епилогот на вечерашниот реванш против Висла Плок.

Вардар во сабота од 18:00 часот го игра реваншот против полската Висла Плоцк, екипа која се извлече на првиот дуел по водството на Скопјани од четири голови разлика на четири минути пред крајот и ремизираше 30:30.

Во првиот осминафинален меч од Лигата на шампионите, Вардар имаше четири голови предност на три минути пред крајот, но Висла Плок успеа да дојде до реми 30:30, резултат кој му дава големи шанси на Вардар за четвртфинале.

Ракометарите на Вардар убедливо со 34-26 го совладаа францускиот Монпеље во последното коло од групната фаза во Лигата на шампионите. Противник во осминафиналето веројатно ќе им биде како и лани, Висла Плок.

Во неизвесен и тесен натпревар, ракометарите на Вардар остварија победа на гостувањето против Пиг Сегед. Блескава партија на Милиќ и Македа.

Ракометарите на Вардар потешко од очекувањата ја оправдаа фаворитската улога против шведскиот првак кој ги изнамачи нашите ракометари во 12. коло од Лигата на шампионите.

Ракометарите на Вардар загубија на гостувањето во Германија против лидерот на Бундеслигата Рајн-Некар со 28:27 и првпат после четири меча против овој противник со спуштени глави го напуштија паркетот.

Оваа година донесе големи ракометни возбудувања за навивачите на Вардар кои повторно покажаа заби во Европа, но имаше огромни разочарувања за оние на Металург од каде си заминаа најдобрите. 2015 година ќе се памети по европската круна на Кире и неговиот јубилеј од 1.000 голови.

Ракометарите на Вардар на најдобар можен начин ја прекинаа серијата од три порази. Вечерва во Скопје со 34-24 го совладаа данскиот шампион Колдинг и заслужено ќе одат на паузата.

Прекин на серијата од три порази, борба за подобар пласман во групата и задржување на формата пред паузата. Голем влог за дуелот против Колдинг на кој Раул Гонзалес ќе мора да игра без неколку стандардни првотимци кои се повредени.

Последната нивна средба беше емотивна кога лани Kомитите се збогуваа со Кале, храмот на ракометот, а на Веселин Вујовиќ му приредија спектакл кој потоа се обиде да го опише на пресот. На 10 декември, Вардар повторно го пречекува Загреб во СЕХА лигата, а овој пат се очекува нов голем пречек во Јане Сандански за нивниот миленик.

Ракометарите на Вардар го претрпеа четвртиот пораз во групната фаза од Лигата на шампионите откако во Полска одиграа натпревар далеку под своето ниво. Поразот од три гола разлика е достоен со оглед на лошата игра на тимот на Гонзалес.