Со головите и асистенциите на еден од најдобрите фудбалери во историјата, Барселона го совлада Баерн Минхен 3:0 и мирно ќе патува на реваншот во Минхен за осум дена.
„Тие можеби го знаат мојот начин на размислување, но не го знаат на моите играчи“, изјави Гвардиола пред вечерашниот меч Барса - Баерн на Камп Ноу. Каталонците дадоа 14 голови на последните две средби.
На 6. мај 2009 година, норвешкиот судија Том Хенинг Овребо не досуди шест очигледни пенали за Челси во полуфиналето од Лигата на шампионите против Барселона. Играчите го напаѓаа, УЕФА го казни, а навивачи и ден денес му праќаат заканувачки мејлови дека ќе го убијат.
Големата победа на Јувентус против Реал Мадрид вчера ги запали социјалните мрежи. Твитер и Фејсбук беа преполни со досетливи шеги на сметка на Кралскиот клуб, а најмногу го кркаа Роналдо и Серхио Рамос.
Со головите на Алваро Мората и Карлос Тевез, Јувентус вечерва го победи Реал Мадрид 2-1 во првиот натпревар од полуфиналето на ЛШ. Кристијано Роналдо ја затресе мрежата на Буфон за надеж на Мадриѓаните пред реваншот.
Во првото полуфинале од Лигата на шампионите, актуелниот италијански првак вечерва ќе го пречека Реал Мадрид. Двете екипи тежат вкупно 20 финалиња во европските натпреварувања.
По 16-годишен спор Војската на Романија ѝ го одзема на Стеауа името, грбот и боите. Тоа се одрази на екипата, која во јануари имаше 12 бодови предност, а сега на пет кола пред крајот едвај ја чува лидерската позиција од провинцискиот Таргу Муреш.
За прв пат во својата тренерска кариера, Пеп Гвардиола ќе игра против Барселона, неговиот клуб, дом и град. Според Луис Енрике, Гвардиола е најдобар тренер на светот, но Баерн немал среќа што им паднала Барса во полуфиналето.
Кога гледаш кои имиња се во тимов, освен Венгер за другиве 100% ќе си речеш дека нема шанси да немаат освоено ЛШ. Годинава има шанса само Буфон кој со Јуве е во полуфинале, а од догодина ќе имаат и Ибрахимовиќ и Венгер.
Според анкетите пред ждрепката, навивачите на Јувентус го посакуваа Реал Мадрид во полуфиналето од ЛШ. Тоа им се оствари, така што сега се крстат и во традицијата која е на нивна страна.
Иако во средата во Мадрид го завршија патот кон Берлин, „Јорганџиите“ може да бидат задоволни, затоа што ја наполнија клупската каса по резултатите во Лигата на шампионите.
По извлекувањето на полуфиналните двојки за Лига Европа, се покачи адреналинот во Нион откако беа извлечени паровите за најелитното клупско европско натпреварување.
Откако не играше како стартер речиси цела сезона, Мексиканецот го искористи отсуството на Бензема за да го реши дербито против Атлетико Мадрид. Толку се израдува што плачеше на три пати после мечот. Прославата на голот не му се допадна на Анри, кој коментира за Скај спортс дека Чичарито требал да се радува заедно со Роналдо.
Реал Мадрид и Јувентус им се придружија на Барселона и Баерн Минхен во полуфиналето од Лигата на шампионите. Втората полуфинална вечер беше далеку посиромашна во која единствен погодок беше оној на Кралевите на две минути до крајот.
Кога ќе се погледнат сите екипи што останаа во Лигата на шампионите, на прв поглед изгледа дека Монако е најслабиот конкурент. Така беше и во 2004. година кога стигнаа до финале, но Мурињо им го украде сонот.
Италијанецот како тренер одиграл 45 нокаут натпревари од кои 36 пати излегол како победник. Вечерва ќе се обиде да го елиминира Атлетико со својот Реал и да го продолжи патот до четвртиот пехар во ЛШ.
Навивачите на Баерн Минхен беа толку импресионирани од убедливата победа против Порто, што решиле да ставаат хајлајтс од мечот на најголемите порнографски сајтови.
Локалниот ривалитет во Мадрид вечерва повторно ќе добие европски сјај. Реал нема победа против Атлетико на претходните седум дуели сезонава, а во Монако, Јувентус ќе чува еден гол.
Поразот од Драгао германската машинерија им го наплати на Португалците со петарда во првите 40 минути и со конечни 6:1 им покажа кој е кој во Лигата на шампионите. Изненадување немаше ниту во Барселона која повторно го порази ПСЖ.
Фудбалерите на Баерн Минхен се пред најтешкиот испит сезонава. За четврто полуфинале по ред во ЛШ ќе мора да надоместат два гола против Порто. Потешка задача од нив има Париз, кој во Каталонија ќе игра против ураганот Барса.
Пеп Гвардиола не е првиот тренер што се замерил со вечниот доктор на клупата на баварскиот гигант. Расправии со Милер-Волфарт имале и Клинсман, Матеус и Трапатони.
Фудбалерите на Порто и Барселона со една нога се во полуфиналето на Лигата на шампионите, откако вечерва убедливо со по 3:1 ги совладаа своите противници. Вечер на Луис Суарез и Рикардо Кварезма.
Првите две четвртфинални средби од ЛШ минаа со еден гол и многу судиски грешки. Марио Манџукиќ не успеа да го убеди судијата дека Рамос му го раскрвави носот, а ниту за намерните удари од Карвахал. Во Торино домаќините победија со непостоечки пенал.
Иако ќе настапи без носителите на играта, Баерн Минхен е фаворит во дуелот со Порто според букмејкерите. Барса гостува во Париз, каде минатиот септември одигра „Плејстешн“ натпревар со 5 голови и загуби 3:2 од ПСЖ. Ибрахимовиќ е суспендиран.
