Се викал Лук Хауард, и е еден од оние кои биле корисни за човештвото, иако главата му била во облаци.

Откако се потпиша и Никарагва, на површина излезе едно необично перверзно сојузништво: САД и Сирија се единствените држави во светов кои не ја дадоа својата поддршка за парискиот климатски договор.

Метанот е стакленички гас што е 86 пати поштетен отколку јаглерод-двооксид и по ново до неодамна сериозно сме потценувале колку многу го произведуваме. А го произведуваме по две основи: вадење нафта и гас, и одгледување стока.

Не можеме да зборуваме за климатските промени без да чепнеме во суштината на економскиот систем кој нè доведе до оваа точка, пишува Салон потсетувајќи на тезата на Наоми Клајн дека се работи за „војна на капитализмот против планетата“. Еден од највлијателните луѓе во оваа област од Запад тврди дека само Кина има воља да ја зачисти планетава. 

Не е страшно ако немате гајле од пожари, еднаш во 1000 години невремиња и смртоносни топлински бранови. Инаку да, страшно е.

Откако вчера Холандија вети дека ќе даде 600 милиони долари за меѓународни програми за абортус и контрацепција за да ја пополни дупката во финансирање оставена од САД, денес на сличен аристократски прекор кон новата постава во Вашингтон се реши и ЕУ, кои од инает ќе инвестираат во борбата со климатските промени. За сега, уште нема твит од Трамп од типот - ви реков дека имаат пари, а само нè цицаат.

Ако метеоролошките модели се покажат како вистинити, цел оној потег од Мароко до Саудиска Арабија наскоро би можел да стане практично невозможен за живеење на човек. Дури тогаш ќе видиме што се бегалци.

Американците сакаат да се лидери во многу работи, особено во големите прашања какви што се енергетските проблеми на оваа планета. Па сепак, тие како 5% од светското население трошат 20% од глобалните енерго ресурси. Политичката цена на тоа в лице да им се каже дека треба да олабават е висока. Прашајте го Џими Картер.

Десет африкански држави дадоа ветување ќе обноват 100 милиони хектари изгубена џунгла (за споредба Македонија по површина е околу 2,5 милиони хектари). Надзор и помош им се Светската банка и Германија.

Официјалното име на конференцијата е "United Nations Framework Convention on Climate Change twenty-first session of the Conference of the Parties and the eleventh session of the Conference of the Parties serving as the meeting of the Parties to the Kyoto Protocol," наслов кој сосема оправдано ги заслужува сите 22.000 илјади официјални претставници кои ќе се соберат во Париз.

Збирните документи на О.Н. околу климатските промени содржат се подолги реченици и покомплексни зборови, од кога и да било до сега, заклучува анализа заинтересирана за лингвистичката страна на студиите.

Не дека мислиме оти требало во Давос да стигнат на магариња ама некогаш фрапантeн е расчекорот меѓу благородноста на каузите и реалниот импакт на борците. За прописно да ја оплакаат климатската судбина на планетата, во Давос ќе стигнат аџии со 1.700 приватни авиони.

За 10 години, дваесетина проценти од светското население со вода ќе го снабдуваат големи и лакоми корпорации. А тие во меѓувреме работат на редефинирање на водата, од човеково право во луксуз.

"Не ти треба мислењето на луѓето во врска со факти. Тоа ти е како да правиш анкета 'Кој број е поголем 5 или 15?' или 'Дали бувовите постојат?' или 'Дали има капи?' Дебатата за климатски промени не треба да биде дали постои или не, туку што можеме да направиме во врска со тоа." П.С. Истиот овој формат важи и за секоја дебата што ви изгледа сулуда, како вакцинирање и слично.

На сите оние климатски самити кои се протоколарно пренесени како вести, договорено е дека глобалното затоплување треба да се одржува на ниво од максимум +2 Целзиусови степени од нивото пред индустријализацијата. Сериозни научници тврдат дека ова е премногу и дека треба да биде +1 степен, а тоа не може мирно да се постигне.

Додека се чудиме што по толку пекање по неа пролетта мина крај нас без да ѝ се порадуваме, на еколозите одамна им е јасно дека работата ќе оди само на полошо. Современите истражувања на климата се потпираат на голем број извори, па и на книжевни и теориски дела од минатото.