Меѓу илјадници фудбалери кои го носеа дресот на Интер низ годините, еден играч тифозите посебно сакаа и ценеа. Уругваецот кој беше во сенка на Виери, Роналдо и Адриано, а даваше прекрасни голови.

Со одлична серија од 7 победи и 3 нерешени, Росонерите во топ форма го пречекуваа градскиот ривал. Натпреварот не само што не е како и секој друг бидејќи е градско дерби, туку е и битка за 3/4 позиција. Милан има 51 бод, Интер 50. Момците на Спалети се ранети од ЛЕ, а Гатузо го има супер јануарското засилување по име Пјонтек. Жешка најава на Милан во пресрет на вечерната битка закажана за недела 20:30.

Бундеслигашот од Франкфурт ја има најголемата поддршка во еврокуповите сезонава. 15.000 Германци го бодреа Ајнтрахт на „Сан Сиро“ во Милано и изгледаа неверојатно. Играчите им вратија на најубав можен начин.

„Топџиите“ рутински со 3-0 го совладаа француски Рен и се пласираа во 1/4 финале на ЛЕ. Виљареал глатко против Зенит, а во Прага и Лисабон се играа продолженија после кои испаднаа Динамо Загреб и Севиља.

Германските навивачи дефинитивно во моментов се број 1 на континентот. И по бројност, и по верност и по изданија. Тоа што го прават сезонава е лекција за сите останати.

Тренерот на Интер ќе има тешка задача да склопи екипа за реваншот со Ајнтрахт Франкфурт во Лига Европа во четврток. По првите 0:0 во Германија, на „Меаца“ нераѕурите ќе бидат практично без пола екипа поради повреди и суспензии.

Додека се играа две мега дерби средби во Англија меѓу Јунајтед и Ливерпул и Сити и Челси кои завршија досадно 0:0, во Италија Фиорентина и Интер одиграа луд меч со дури 6 погодоци.

По синоќешните натпревари во кои ги дознавме осминафиналистите, попладнево во Нион беше извлечена ждрепка за новата рунда во Лига Европа.

Компанијата Nike, во чест на јубилејот 20 години соработка со Интер, на Неделата на мода во Милано го промовираше новиот дрес кој изгледа интересно.

По очајните игри, случајот со Икарди како да ги подразбуди фудбалерите на Интер кои газат во Европа. Сари попушти под притисок и му даде шанса на малиот Хадсон-Одои кој му врати со убав гол против Малме.

На вечерашните средби во Лига Европа во Милано не треба да се пази само Интер, туку и манекенките во Милано, бидејќи доаѓа фудбалер со двојни намери. Сака да погоди нешто и надвор од терен.

На „Џузепе Меаца“ поминаа илјадници играчи од целиот свет, ама ретко кој беше сакан и гледан како бразилскиот феномен.

На Самир Хандановиќ, првиот голман на Интер и Даниеле Падели, неговата резерва на клупата им пришло едно дете кое барало автограм од третиот голман Томазо Берни за кој малку кој слушнал.

Интер и Лацио одиграа доста драматичен финиш во четвртфиналето од Купот на Италија. По регуларните 90 минути, гостите поведоа преку Имобиле во 108-ма минута, а домаќините со помош на ВАР добија пенал во 121-ва за 1:1 и пенали. Лацио славеше со 4:3, а исклучениот Симоне Инѕаги збесна од радост во позадина. Се молеше кога Лукас Леива се местеше да го изведе последниот пенал. Какви стресни моменти се ова.

Од срамежливо и не баш симпатично дете кое не ги привлекувало девојките, Феноменот стана еден од најголемите плејбој фаци во градот на модата. А како поинаку кога се дружел со Бобо Виери.

Миланската фудбалска Скала е позната како „Сан Сиро“, но властите на градот во 1980-та година решаваат да го преименуваат по најголемиот фудбалски феномен на Италија до тогаш, а можеби и до денес.

Во текот на целата фудбалска историја Италијанците ги бие глас дека се „намазани“, опасни глумци, а кулминација на оваа теза се случила на 20 октомври 1971 година во германскиот град Менхегладбах каде Интер бил потопен со 7:1 од Борусија.

Просто неверојатно е на еден од најголемите и најубави стадиони во светот, миланската катедрала на фудбалот „Сан Сиро“ илјадници луѓе да испуштаат мајмунско-расистички крици кога топката во нозе ја има противнички црномурен играч.

Фудбалерите на Интер го добија Наполи 1:0 и тоа со гол во 91-ва минута, а гостите мечот го завршија со два црвени картони. Каква шанса испуштија на крај, ова е неверојатно. Анчелоти занеме. Во ваква ситуација најмногу профитира Јуве кој остана на +9.

Мауро Икарди за влакно не стана најбрз стрелец во историјата на италијанскиот, а можеби и светскиот фудбал. По 3-4 секунди Интер можеше да води 1:0, резултат со кој славеше против Наполи во 91-ва минута.

Лучано Спалети не е кадарен тренер за успеси како оние на Специјалниот. Тоа го знаат навивачите на Интер и затоа сонуваа и уште сонуваат за негов кам бек на Меаца.

Во саботата Интер играше дома со Удинезе и победи 1:0 со голот на Икарди од пенал во 76’ минута. Момент на мечот беше еден родител на трибините.

Откако беше извлечена ждрепката за елитната Лига на шампиони, попладнево во Нион ги дознавме и паровите од 1/16 финалето на Лига Европа. Од нашите интернационалци, Стефан Ристовски ќе игра во пиринејскиот дуел со Виљареал, Елиф Елмас против Зенит, а Аријан Адеми против чешки претставник.

Бидејќи трансферот на хрватскиот ас летоска го најавуваа за завршена работа, кога Интер сезонава ќе загуби важен меч, го јаде на социјалните мрежи. Секогаш на ист начин и секогаш со замислен гол на Златната топка во судиското продолжение.