Градското дерби меѓу Вардар и Работнички викендов се врати онаму каде што му е местото, на Градски. Навивачка атмосфера, песни, Комити, Вршац, пиво, легенди, бивши спонзори и претседатели. Убаво.
До крајот на сезоната во македонскиот фудбалски шампионат има 7 кола и нешто повеќе од месец дена. Црвено црните ќе се соочат со дури пет противници на кои исто така им гори.
Со голот на Дејан Ѓуриќ во 73-та минута, ФК Вардар го урна актуелниот шампион на Македонија, Струга Трим Љум и за еден бод избега од опасната зона на испаѓање. Фудбалерите водат грчевита борба за опстанок, а Комити борба за финансиски опстанок. Истовремено се во топ форма со цртање графити и правење прекрасни кореографии.
Фудбалерите на Вардар стигнаа до многу важни 3 бода во борбата за опстанок. На стадионот „Борис Трајковски“ во Маџари го совладаа градскиот ривал Работнички. Стрелец на единствениот гол на мечот беше Дарко Глишиќ кој со едно безопасно нафрлување од корнер, го совлада голманот Алексовски кој остана збунет.
Вардар го загуби дербито на колото од Шкендија со 3:0 и се со соочи со скандалозно однесување на домашните навивачи кои симулираа погреб за црвено црните, ставајќи ги во ковчег кој заврши во пеколот.
Македонската спортска јавност откорна коси од нервоза за да види некој голем историски успех во независна Македонија. Годинава тоа конечно се случи и затоа 2017-та може слободно да се каже дека во фудбал и ракомет се искачивме на едно повисоко скалило на кое сите сакаме да останеме.
Репрезентативецот на Ерменија и еден од најдобрите фудбалери на Вардар, Тигран Барсегјан се реши за последниот меч на „црвено-црните“ во Европа сезонава да носи интересни копачки.
Фудбалерите на Вардар не успеаа да ја израдуваат скопската публика и да ја издвојат првата победа во историјата на европските натпреварувања. Но барем не ни загубија. Вардар - Розенборг конечни 1:1.
На дваесетина минути од мечот меѓу Вардар и Розенборг се случија најголемите аплаузи и овации, но за фудбалер, туку за едно куче кое се појави на терен и за момент го прекина мечот. Гачевски не успеа да се справи со него, а ниту обезбедувањето, па песот сам си фати џаде и не стави да ја догледаме средбата на камен ладново време.
Падна првиот гол на Вардар на домашен терен во Лига Европа со кој Вардарци уште на стартот од мечот поведоа против Розенборг со 1:0. Вардарци тргнаа отворено на стартот и откако Бобан Николов му ја спушти топката со гради на Итало, Бразилецот ја прифати и го матираше Хансен.
9 годишниот херој кој урива стереотипи и кој стана сензација дури и меѓу светски познати фудбалски ѕвезди е специјален гостин на натпреварот меѓу Вардар и Розенборг во Лига Европа.
Црвено црните и нивните навивачи вечно ќе ја запаметат 2017-та година, бидејќи испишаа нова историја за мак фудбалот. Но зошто дебито во Европа да му донесе на Вардар срамен рекорд. Победете и за себе и за тие што ги оставаат грлата за вас на секој меч.
Вардар изгуби од Шкупи 2-0 и сега заостанува цели 14 бода зад Шкендија која има два меча повеќе од „црвено-црните“ кои денес во Чаир играа на нешто што не личи ни на свињарник.
Вардар одигра само 1:1 против Шкупи во меч од Купот на Македонија. Проследете го лобот на Барсегјан, а истовремено и коментаторот кој за неочекуваниот погодок, кој личеше на нафрлување го констатираше следново: Добар центар шут (па пауза), сепак ова беше неуспешен центар шут. Цепки.
Вардар има катастрофален скор од 2 дадени и 19 примени голови по 5 минати кола во Лига Европа. И двата гола кои ги постигнаа на гости се празник за очи. Првиот го постигна Хуан Фепиле против Розенборг, а вториот Дејан Блажевски во 93-та минута против Зенит.
Актуелниот шампион на Македонија за нијанса го поправи впечатокот во играта од првиот дуел во Скопје, но не успеа да стигне до бодови ниту во петтиот обид од групната фаза во Лига Европа. Зенит - Вардар конечни 2:1. Прекрасен волеј на Блажевски во 93-та минута.
Фудбалерите на македонскиот првак вечерва од 19 ќе се обидат да го освојат првиот бод во Лига Европа и тоа на тешкиот фронт против Зенит Санкт Петербург. Дуелот во земјава ќе го пренесува МРТ на првиот канал, а во Русија МачТВ и тоа со различни термини во зависност од временската зона во Русија.
Составот на Роберто Манчини со кој Вардарци минаа лошо на првиот дуел во Скопје е сигурен патник во нокаут фаза од Лига Европа. Македонскиот претставник има 0 бодови и не претставува некоја опасност за рускиот гигант, но домашните навивачи направија огромни редици за билети. Без разлика што Вардар не е Реал Мадрид, Зенит нема проблем со верност како нас.
Најверните навивачи на Вардар прославија два јубилејни родендени кои долго ќе се раскажуваат. Ја запалија западната трибина со бакљада каква што немало со години на македонската тифо сцена, а Вардарци им возвратија со победа во вечното дерби против Пелистер.
Како ретко кога навивачите на македонскиот шампион се спремаат да го прослават својот роденден. Во недела организираната навивачка група „Комити“ ќе прослави 30 години од своето основање а поклон за роденденот им е мегдан со битолски Пелистер, на „Градски“ во недела од 18 часот.
Легендарниот Васил Дилев - Дитљак важи за пионер на македонскиот фудбал кој како голман го чувал голот на СК Македонија. Роден во 1913, почина во 2011. Во 2010-та раскажа како во Скопје се играл фудбалот во едно баш туробно време.
Градското дерби меѓу Вардар и Работнички се игра денеска (14:30) во бош време кога сите се на работа, но нејсе. Мобилизацијата на Комитите на ФБ во јубилејната 30-та година за нив и 70-та за клубот, продолжува со една песна која ја пееја една година по испаѓањето во втора лига во сезоната 2010/2011 и која се надеваат дека нема повторно да ја запеат.
Пораз од 6:0 на домашен терен не може да не боли, а исто и гол разлика која вели 14 примени и еден даден гол на три натпревари. Затоа критиките од навивачите треба и мора да се сфатат како добронамерни и да бидат поука. Во четвртокот ноќта имаше киксеви кај клубот, играчите, ама и кај Комитите.
На Комитите не им успеа кореографијата на синоќешниот меч со Реал Сосиедад, а каде беше грешката само тие си знаат. Навивачите требаше само да ги подигнат листовите кои беа ставени на нивните седишта и да формираат еден збор од пет букви - ПИРЕЈ.