Во денови кога се актуализира новото селекторско име, кое место на крајот, ФФМ ќе го одреди на почеток од следната година, налетавме на декемвриско ретро од пред 31 година. Јак клип е ова. Бев на Јужна.

Не само што ова не се спречува, туку не се ни издржува да се доигра до крај. Дејвид Робинсон, кој важеше за силен центар, се изгуби целосно во дуелов. Страшно и монструозно одиграно.

Советот на ФИФА, на состанок во Доха донел одлука за финансиски награди за репрезентациите учесници на претстојното Светско првенство и ќе има рекордни премии во износ од астрономски 727 милиони долари!

Рускиот голман Матвеи Сафонов чекаше и ги дочека своите пет минути во Пари Сен Жермен. Во финалето на ФИФА Интерконтиненталниот Куп во Ал-Рајан во Катар, ПСЖ го совлада бразилски Фламенго на пенали откако во регуларен дел беше 1-1 по головите на Кваратцхелија и Жоргињо (од пенал).

Легендарниот фудбалер кој блескаше во дресовите на Рома, Каљари и Интер, од пред неколку години се врати во Белгија. Играше за Антверпен, па кратко беше во Индонезија и сега е во белгискиот Локерен. Веќе има неколку гола и асистенции за второлигашот кој се бори за влез во прва лига.

Андора е Андора во фудбалскиот свет, тоа го знаеме, една од најслабите репрезентации во светот. Ама и таму нешто што се вика драма и возбуда во фудбалот. Санта Колома како фаворит против Карои води 1:0 и во 89-та минута добива црвен картон. Задача и е резултат да го одбрани во судиско со играч помалку. Претпоставувате што ќе се случи така?

По Барселона која се намачи со третолигашот Гвадалахара и до 79-та минута не можеше да го скрши отпорот, синоќа и Реал Мадрид се намачи против третолигашот Талавера кој на 19-то место во трета лига. На гостински терен „кралевите“ славеа 2-3. Килијан Мбапе постигна два гола, еден беше автогол на домашните кои на два пати намалуваа на 1-2 па на 2-3 но немаа сили да направат чудо. Мбапе сезонава веќе има 28 гола што е повеќе од вкупниот број голови на Реал Мадрид досега сезонава.

Ако фатиме да правиме топ листа на црепови кои глумат и легачат на земја поради фаул од воздухот, чаршав ќе излезе текстот со видеа. Последниот е Џанлука Престиани од Бенфика. На само 19 години го прави ова. Жозе реагирај.

На јужноамериканците им нема рамни за правење фудбалски спектакли. Од финалето во Купот на Колумбија меѓу градските ривали Атлетико Насионал и Индепендиенте кое заврши 1:0, направија празник, ама Меделин е тоа. Никако да ги оладат тоа вжештените глави. Погледнете ги видата. Како почна, а како ќе заврши.

Феенорд се соочува со тежок финиш на крајот од првиот дел од сезоната. Загуби дома од Херенвен во Купот со 2:3, а тоа значи рана елиминација уште во второ коло. Ова им е седми пораз на последните 9 средби. Ван Перси не можеше да ги смири навивачите.

Новак Ѓоковиќ фантастично добро зборува италијански и англиски јазик, одлично се снаоѓа со француски, а пред некое време збуни еден јапонски полиглота.

Антиќ отпатува во живо да го следи натпреварот од Евролигата меѓу Фенербахче и Панатинаикос. Публиката во „Улкер Арена“ во Истанбул го пречека со аплаузи и скандирања. Имаат голема почит кон нашата кошаркарска ѕвезда. Веднаш ги асоцира на европската титула под водство на Жељко Обрадовиќ во 2017-та.

Македонскиот репрезентативец, Милан Ристовски имал семејни проблеми, поради кои две години бил без постигнат погодок, па дури и размислувал фудбалот да го стави на пауза.

Филип Мексес во кариерата играше за само три клуба: Оксер, Рома и Милан ама секаде остави голема трага. Важеше за неверојатен борец, фајтер кого навивачите го обожаваа. Забележа 29 настапи за Франција. Како стопер беше права карпа од која се одбиваа противничките центарфори ама и самиот знаеше да постигне по некој неверојатен гол. За Оксер даде 8, за Рома 15, за Милан 7 од кои 4 мора да ги погледнете пак:

Трофејниот турски тренер кој има 3 шампионски титули во Евролига е на мета на ривалските навивачи кога игра во Турција како тренер на Панатинаикос. Ергин Атаман синоќа гостуваше со ПАО во салта „УЛКЕР“ и го победи Фенербахче 81:77.

Џамал е во топ форма сезонава. Држи просек од 25 поени, 4,4 скока и 6,8 асистенции и му ја дава најголемата помош на Јокиќ. Погледнете што им направи на двајца и тоа не било кои, туку на Алперен Шенгун и Кевин Дурент. И самиот Мареј беше воодушевен.

Симбол во кариерата на српската легенда, која фудбалскиот свет го испрати пред три години, беа слободните удари со кои сè уште е рекордер во Серија А. Ова видео ќе остане како уште еден доказ, колку Синиша беше силен и не се предаваше до крај. Да им се пушта на деца треба, како инспирација.

Францускиот фудбалер Усман Дембеле по наградата „Златна топка“ која што ја доби од Франс Фудбал пред крајот од септември годинава, сега беше прогласен за најдобар во 2025 и во изборот на ФИФА која што му ја врачи наградата.

Сантијаго Монтиел од Индипендиенте ја освои наградата „Пушкаш“ за гол број 1 на годината во изборот на ФИФА. Аргентинецот успеа да изведе спектакуларни ножички, ама наместен надвор од шеснаесетник, мајсторија со која освои најмногу гласови.

Дваесет и шест годишната Лизбет Муњоз позната и како Жаклин Овал е мексиканска фудбалерка која игра како лево крило за Орландо Прајд во женската фудбалска лига во САД и за репрезентацијата на Мексико. Таа минатото лето направи рекордно висок трансфер откако премина од Тигрес во Орландо. На свечената церемонија „Најдобри“ организирана од ФИФА, Лизбет Муњоз ја доби наградата за најубав гол во женски фудбал. Со потегот „скорпио“ уште додека играше за Тигрес постигна прекрасен гол.

Позната е онаа стара досетка кога ќе прашате некој, дали му смета што живее покрај стадион, а тој одговара со скандирање. Но, уникатно е тоа искуство, посебно ако сте жител на фудбалска земја како Англија.

Новата колекцијата на Адидас е украсена со потписот и личното лого на Дел Пјеро, иконата на Бјанконерите со 19 сезони, 290 гола и 705 настапи. Наследство кое го остави оди подалеку од бројките. Дел Пјеро сè уште е симбол на идентитетот на Јуве, способен да ги обедини стилот, талентот и припадноста.

Во денови на прекрасен и возбудлив фудбал во Катар, на два дена пред финалето Франција - Аргентина, на 16 декември 2022-ра, од Италија пристигна неубава вест. Почина Михајловиќ на 53 години. Три години биеше лавовска битка со леукемијата. И даде два слободни удари, но третиот пат не успеа да ја победи.