Чуда направи короништево скапано и целосно го измести и поремети и фудбалот кој многу поинаку беше планиран годинава. Ќе има смеење ако се повреди голманот на Украина или добие црвен.

Преодниот рок за речиси сите европски лиги заврши. И покрај најавите за штедење и оптимизација на трошоците предизвикани од глобалната пандемија, некои клубови решија да потрошат многу пари на трансфери за нови засилувања.

Со крадење топка, со петици, течно и атрактивно до крај, па уште и со јака завршница. Браво женски.

Кошаркарите на ЛА Лејкерс ја вратија комфорната предност во големото финале на НБА против Мајами, откако синоќа го совладаа Хит со 102:96 и сега имаат 3-1. Во драматична завршница, Ентони Дејвис им пресуди на ривалите со далечна тројка.

Откако реши да не го продолжува договорот со ПСЖ и не играше ниту во финале на Лига на шампиони со Парижаните, Кавани на 5. октомври во понеделникот потпиша 1-годишен договор со Манчестер Јунајтед со можност за уште 1 година плус. Го доби бројот 7 на дресот, а прашање е во каква форма е.

Легендарната маскота Ганерсаурус доби отказ од клубот поради кратење на трошоците поради глобалната пандемија. Синоќа стигна вест дека Месут Озил ќе дава од џеб за плата за маскотата.

Кој би рекол дека клуб по име Гленторан од Северна Ирска може да се прочуе во светот во изборот за гол на годината според ФИФА и да собере преку 5 милиони кликови? Може, затоа што во тим го имаа анонимусот Метју Буроуз кој го постигна најепскиот гол со петица.

Едно време тоа беше 31 август, но сега сè се помести па така и последниот ден од летниот трансфер период кој всушност заврши на есен. Звучни фудбалски имиња ги сменија дресовите во последен миг.

Ливерпул првпат од 1963 година прими дури 7 гола во англиското првенство и тоа од просечната Астон Вила. Дебакл каков што не се памети. После мечот Јирген Клоп потиштено призна дека екипата многу грешела и не барал оправданија. Ама има кој најде алиби.

Неверојатен е обемот на ирационалност во кариерата на Данкан Робинсон, полу-анонимниот кошаркар на финалистот Мајами Хит кого играчи, тренери и навивачи, буквално сите го молат да почне да ѝ помага на екипата со тоа што ќе стане посебичен и ќе зема повеќе шутеви за себе.

Ликов направил врвна импровизација и компилација на познати фудбалери со кои препеал песна која ја крстил Имобиле. Ни легна од прва и некако убедени сме дека е појак од оригиналот кој го немаме ни слушано. Прејако звучи и ептен со душа. Пет пати ја чувме од сабајле.

Сонот на навивачите на Манчестер Јунајтед конечно се исполни: клубот после многу перипетии конечно најде десно крило, позиција која со години беше дефицитарна на „Олд Трафорд“.

Не за џабе рекле од трета мајка. И тоа најјакото е што драмата се случува во судиско и тоа пак не успеаа да ја затресат мрежата, а победија.

На Ѓоковиќ му се повтори УС Опен и на Ролан Гарос. Нов Гренд Слем, нов удар со топче и тоа овој пат не во врат, туку во лицето на судијата. Но во оваа ситуација помина без казна, бидејќи беше во жарот на борбата и се обидуваше да врати еден удар.

Што е со оваа Аталанта? Завршија трети со повеќе голови од Јуве и пласман во четвртфинале во ЛШ и тоа уште во деби настапот. Сезонава пак ги здробија сите први три противници, ама убедливо во нивен стил. Лацио 1:4, Торино 2:4 и Каљари 5:2.

Чиро Ферара не се снајде баш најдобро на извлекувањето на групите за Лига Европа и заглави кај Црвена Звезда. Но Дејан Станковиќ како нивен тренер направи добар штос и му се јави од соблекувална, а белградскиот тим видеото го објави на социјалните мрежи.

Првичниот свет на кој сме навикнати продолжува да се менува. Арсенал, клуб пред чии домашни натпревари секогаш на терен ја гледавме маскотата Ганерсаурус, реши да се збогува со омилениот лик на навивачите.

Да видиме со какви маки се соочуваат на други места. За една топка.

„Кога ќе истрчаат да истрчаат со верба и во себе и во соиграчите и во селекторот, да бидат свесни дека можат да испишат историја, дека можат да ни го направат животот поинтересен, поубав, а и сами себе да се издигнат многу повисоко, бидејќи ова се моменти кои ќе ги паметат за цел живот“.

Начека Жозе „крв и месо“ па го удри Манчестер Јунајтед до крај. На семафорот на „Олд Трафорд“ синоќа околу 19:30 часот стоеше резултат 1-6, исход каков што тој стадион скоро никогаш во историјата да не видел. Коментаторот на Спортклуб го прашува Мурињо после мечот, што е со оваа победа во стил на Ѓоковиќ со 6:1 во тениски сет.

Францускиот бек фати од убавите времиња на Олд Трафорд и освои 14 трофеи, а после срамниот пораз од Тотенхем удри критички, ама не против играчите, туку против управата на клубот.

Откако ЛА Лејкерс убедливо го совлада Мајами во првиот меч од големата финална серија, па спокојно го добија и вториот, сите го сметаа за завршено НБА финалето. Сите освен Мајами Хит.

Нуњо Мендеш почнал да тренира фудбал во академијата на Спортинг Лисабон уште кога имал 10 години. Денес, 8 години подоцна, на 18 растура како лев бек. Во 2020 има 11 настапи и 1 гол, синоќа против Портимоненсе.

Недела 4 октомври 2020 ќе се памти како еден од полудите денови кога фудбалот е во прашање. Британија уште не може да поверува што ги снајде Ливерпул и Манчстер Јунајтед (7:2, 1:6), а во Италија некои аматерски работи се случија.